Quatre punts a l’òrdre del jorn : las dificultats de l’associacion-relai Zo Petaçon, las adesions al CREO, la situacion del site bilingue de Serinhan e la jornada Total Festum del 1er de junh.
- Presents : F. Albert (convidada per parlar de Zo, Petaçon), B. Bolano, D. Colras, J. Soliva, MJ Verny.
- Desencusada : J. Rossignol
Zo, Petaçon
Sul primièr plan, un consensus se fai de demandar a Zo Petaçon de crear una canhòta en linha, que lo CREO relaiariá largament e mai que i contribuiriá (la chifra de 500 euros es evocada per la clavaira). Aquela solucion nos sembla preferabla a un apèl a adesions : lo CREO a besonh de se mobilizar sus las adesions… al CREO, estent que lo pes « politic » del CREO ne depend, e mai per defendre Zo Petaçon que Clara Torreilles ne fai l’istoric. Clara pausa tanben la question de la precaritat d’aquel estatut d’associacion per Zo, Petaçon. I auria besonh d’una redefinicion de çò que representa, estent que l’estatut d’associacion-relai, qu’a foncionat mai de 20 ans sens problèma, ven de mostrar sa non-adaptacion juridica.
Adesions al CREO
Aumentan regularament, mas sèm uenh de tocar totes los collègas. Demanda es facha a totes de s’engatjar per faire créisser lo nombre d’aderents
Lo pòste de Serinhan
La situacion es dificila sul terrenh, las tensions grandas amb l’IEN de circonscripcion. Per nosautres, aquela situacion es emblematica d’un rapòrt de fòrças que nos cal ganhar. Se perdèm sus Serinhan, ne serà acabat del desvolopament del bilinguisme public e de la serenitat dels acamps de trabalh amb las autoritats academicas.
Total Festum
Lo programa es plan avançat, mercé lo trabalh de Benoit amb Lucie, que nos fan de supèrbes documents de comunicacion. Seguir l’avançament sul site : http://www.felco-creo.org/1er-06-24-montpelhier-jornada-total-festum-del-creo-lengadoc/
