L’AG de la FELCO si debanerà lo dissabta lo 1er de març a 1 ora e mièja a l’Universitat Paul-Valéry de Montpelhièr en sala A 105.
Coma a cada AG, demandam ai collègas que lo soetan de pausar la sieu candidatura per lo CA. Rampelam que cada acadèmia a drech a dos representant.as liurament designat.adi per lo sieu CREO / AELOC / APLR (cf a la fin del messatge)
- 11 oras : acamp dau CA.
- 12 oras 30 : Membre dau CA o non, cadun es convidat per un repais partejat dont si pòu portar quauqua ren da manjar e da beure. Prioritat a la convivialitat!
- 1 ora e mièja : AG
Lu documents preparatòris a l’AG son meses en linha, a cha pauc, sus lo site : http://www.felco-creo.org/category/nostras-accions/vida-interna/
OJ de l’AG (que serà afinat segon li demandas)
- bilan de l’accion menada: rapòrt moral, rapòrt financièr, ponch sus FLAREP, PQVNL, Congrès e APLV.
- perspectivas de trabalh (entre autres, discussion per replaçar la question de l’ensenhament public de l’occitan dins li preoccupacions dei elegits nacionals e dau ministeri mai que mai en aqueu contèxt d’instabilitat ministeriala, de cambiament de DGESCO e d’IG).
- eleccion dau CA e dau burèu
- questions diversi
Candidaturas au CA
Rampèl dau foncionament : lo CA es compausat
- de 2 delegats (per lo mai) de cada associacion academica, de preferéncia de dos nivèus diferents. Aquestes delegats an la carga de representar la sieu acadèmia quora lo burèu consulta. Mercé per avança ai CREOs, APLR, AELOC de nos indicar quau seràn lu 2 rapresentants de la sieu acadèmia au CA de la FELCO per l’an 2025.
- e de membres elegits sus candidatura motivada.
Mercé a vautres de nos mandar per retorn la vòstra candidatura. Per l’eficacitat dau trabalh e per la democracia dau foncionament de la nòstra federacion, es important que toti li acadèmias e toi lu nivèus d’ensenhament sigon representats. Mai que mai en lo periòd dont siam, avèm besonh de caduna e de cadun.
