L’Occitan vos agrada e l’Istòria tanben ?
Alara, espiatz un pauc lo libreton « Carrièiras de la ciutat de Lodeva » que ven de paréisser.
Aquel libron explica los noms de las carrièiras de Lodeva nomenadas en lenga d’òc tre l’Edat mejana. Totas las carrièiras del passat non s’i troban, que d’unas existisson pas pus o las recentas non an pas de correspondéncia en lenga d’òc.
Ara, unicament pel centre istoric, una accion es menada amb la Comuna de Lodeva e lo Cercle Occitan del Lodevés per valorizar aqueste patrimòni de las carrièiras. D’unes noms son indicats per de placas novèlas al format marron sus un fond bistre ambe la crotz roja e jauna.
Son aponduts los noms caracteristics dels quartièrs en defòra de las muralhas ancianas e de luòcdits fòra la vila, mas que mòstran una activitat plan imbricada a la de Lodeva. L’originalitat d’aqueste prètzfach consistís en l’escritura dels noms ancians en occitan contemporanèu. Dins lo libre, los noms actuals son escrits en francés entre parentèsis.
Autoras : Eliane GAUZIT, Edith PELOUS
Format : 21 x 14,8 / 32 paginas / ISBN : 978-2-959079-57-3 – Prètz 13€
De comandar a cò de : Edith PELOUS – 701, route royale – 34700 SAINT-ETIENNE de GOURGAS – Apondre : 4€ per lo pòrt
