Amigas, amics, caras e cars collègas,
Lo burèu, recampat lo 30 de decembre, a decidat de fixar l’AG al dissabte 3 de febrièr, a l’Universitat Paul-Valéry Montpelhièr – sala A 105 – segon las condicions acostumadas. Vos esperam nombroses : aqueste moment es important per la vida democratica de la FELCO, mas tanben per la convivialitat e los escambis entre acadèmias e entre sectors d’ensenhament.
Debanament de la jornada
- 10 oras 30 del matin : acamp del CA
- miègjorn : acuelh dels autres collègas e repais partatjat amb vòstras especialitats
- una ora e mièja : AG
OJ de l’AG (que serà afinat segon las demandas)
- bilan de l’accion menada: rapòrt moral, rapòrt financièr, ponch sus FLAREP, PQVNL, Congrès e APLV.
- perspectivas de trabalh (entre autres, discussion per replaçar la question de l’ensenhament public de l’occitan dins las preoccupacions dels elegits nacionals e del ministeri).
- eleccion del CA e del burèu
- questions diversas
Candidaturas al CA
Rampèl del foncionament : lo CA es compausat per part de 2 delegats (per lo mai) de cada associacion academica e de membres elegits sus candidatura motivada.
Mercé a vos de nos mandar per retorn la vòstra candidatura. Per l’eficacitat del trabalh e per la democracia del foncionament de nòstra federacion, es important que totas las acadèmias e totes los nivèls d’ensenhament sian representats. Mai que mai en lo periòd ont sèm, avèm besonh de caduna e de cadun.
