Es ara que cal passar comanda ! Nòstra amiga Corina Lhéritier nos manda un messatge d’alerta :
« Vòli pas èsser tròp pesuga (e segurament o soi pasmens) mas as/avètz comandat d’agenda(s) l’an passat e/o las annadas precedentas, e me permèti de te/vos tornar escriure un còp la data balhada per ongan passada (èra ièr !).
De fach, cada annada sètz mai d’un a vos desrevelhar un còp lo tiratge fach e es complicat per la gestion… Per tirar un prètz public lo mai bas possible, pòdi pas far autrament que de trabalhar sus comanda e de limitar lo nombre d’exemplars suplementaris. Ne preveire mai, coma per una venda classica, e prene la risca d’aver un fum d’invenduts entrainariá automaticament un prètz plan mai naut…
De segur, compreni que las causas pòdon cambiar e qu’aver comandar una annada implica pas de contunhar. Pas de problèma. Mon messatge (collectiu) s’adreça puslèu als « caps en l’aire », als esterlucats e a las esterlucadas, los e las que daissan passar la data e cridan puèi… De mon costat vau tanben prene qualques jorns de vacanças, al tornar las causas anaràn lèu cap a las vacaças d’estiu. Per una liurason a l’avança, es ben ara que cal passar comanda ! Alara, se me podètz dire çò que ne vira, de òc coma de non, me seriá d’una ajuda bèla !Sabi tanben que d’une·as collègas an pas encra d’afectacion o sabon pas encara l’efectiu qu’auràn… dins aqueste cas, digatz-me tanben, traparem totjorn una solucion « de resèrva » .
Bon de comanda de telecargar : bon-comanda-agenda-2023-2024
Editat per nòstra collèga Corinne Lhéritier de la Calandreta de Nimes, l’agenda escolara en occitan contunha sa rota e aculhís ongan Joan Carles Codèrc sus la tampa e dins las paginas interioras ! Mercé a el, nos escriu Corinne !
D’une.as collègas la crompan dempuèi la primièra edicion, d’autre.as son arribat.das al fial del temps. Mercé a totas e a totes per vòstra fisança e vòstres encoratjaments.
Mercé tanben als autor.as per lor ajuda preciosa.
Es lo moment de passar comanda… Per un tiratge e mai que mai una liurason abans la fin de l’annada escolara.
Mercé de tornar al mai lèu lo bon de comanda, o a minima una estimacion, o …una responsa negativa (que permetrà de far un punt sens esperar de badas)
Se sabètz pas encara ont seretz l’an que ven mas que vos interessa, esperetz pas la dintrada, contactatz-me ara !
Costat prètz : seguissèm de segur las augmentacions de còst de fabricacion.
Per que demòra equitable e accessible, prepausi ongan una tarifa degressiva, clara e meteissa per tote·as.
Per las escòlas e las associacions, demoratz liure·as de facturar lo prètz « degressiu » o de servar per vòstra estructura lo benefici eventual.
1-9 ex : PU = 6,00 €
10-19 ex : PU = 5,80 €
20-49 ex : PU = 5, 60 €
50-99 ex : PU = 5,40 €
+ de 100 ex : PU = 5,20 €
COMANDAS ABANS LO 20 d’ABRIL
ATENCION !!!!
Zòna A e zòna B : passatz comanda ABANS de partir en vacanças !!!!
Trantalhetz pas de me contactar per totas demandas !
Las fichas publicadas dins las edicions precedentas. D’ara enlà, per se servir d’ancianas fichas e la distribuir en classa, pas pus besonh de matrassar 1 agenda dins lo fotocopiador, de s’encolerir amb de copiar/pegar o de far de calculs longasses de percentatge per agrandir o demesir… https://terrairol.wixsite.com/terrairol/fichas-de-l-agenda
