AG del CREO de l’acadèmia de Tolosa
del dissabte 9 de genièr de 2021
de 10h10 a 12h35
AG faita en videoconferéncia a causa de la pandemia de Covid-19
26 Presents : Emmanuel Isopet – Cécile Chapduelh – Nicolau Rei Bèthvéder – Magalí Henri – Nicòla Becvòrt – Eric Barta – Muriel Batbie – Estève Clerc – Ives Ariès – Cristòu Menassòl – Ciril Veyssière – Bruno Duranton – Elodia Reynaud – Florant Mercadièr – Gilabèrt Mercadièr – Gwenael Cany – Lucila Fourtanet – Maria Sòfia Bòsc – Maria Sòfia Brun – Mariela Mirande Dupin – Elodia Pujòl – Silvan Valette – Virginia Lago – Olivièr Capòni – S Vaissière – L. Cayrol
Desencusats : JP Ferrèr – P. Sebat – D. Castaing – V. Basso-Lacroix
Òrdre del jorn :
1. Rapòrt financièr e rapòrt morau
2. Accions en cors
3. Renovèlament deu burèu e deu CA
4. Preparacion de l’AG de la FELCO
5. Seguit de la convencion (trabalh dins los departaments)
6. Comunicacion
7. Questions divèrsas
Debuta de la sesilha : 10h10. Fin de la Sesilha : 12h35
Secretària de sesilha : Magalí Henri – CR : Magalí Henri, anotacions e revirada de Nicolau Rei Bèthvéder. Relectura e correccions d’Emmanuèl Isopet.
I- Rapòrts moral e financièr de 2020 :
Rapòrt moral presentat per E. Isopet, president :
L’annada 2020 foguèt pas melhora per l’occitan que l’annada 2019.
Malgrat lo retorn de las oras flechadas dins lo segondari (gràcia al rector Delaunay), res de novèl venguèt pas solelhar la dintrada. Lo novèl rector Mostafà Fourar (tresen en dos ans) presentèt d’efectius en baissa a totes los nivèls, malgrat « l’engatjament del ministèri e son engatjament personal en favor de l’ensenhament de l’occitan » (sic).
Aprèp 50 ans d’existéncia, lo CREO TLS es fàcia a una situacion de regression jamai vista.
Una sola beluga : la signatura, un an abans l’expiracion, de la « convencion pel desvolopament e l’estructuracion de l’ensenhament de l’occitan ». Es pas qu’un engatjament formal, mas se’n caldrà servir per foissar los tres signataris (Region, Rectorat, Conselhs Departamentals e OPLO) e los far avançar dins lo sens que cal.
Los contactes e lo trabalh amb la Region, l’OPLO, las associacions amigas d’Òc-bi e lo collectiu per l’ensenhament de l’occitan, los sindicats permeton qualques avançadas pichonas, mas lo blocatge màger (Blanquer) demòra.
Avèm ça que la agut una annada plan activa.
Participèrem als 3 CAEOCs (un en retard de 2019). Sembla qu’ara qu’avèm portat lo clam al Tribunal administratiu lo plec siá pres de convocar los dos CAEOC annadièrs legals. Es l’escasença de far lo punt e de tornar dire çò qu’avèm de dire en public.
Encontrèrem dos còps lo rector Delaunay (lo primièr amb lo collectiu per l’ensenhament de l’occitan) e tre lo mes d’octobre lo rector Fourar amb Òc-bi. Sèm tanben anats a Matinhon portar las reinvendicacions occitanas al meteis Delaunay devengut pendent l’estiu lo conselhièr per l’educacion del primièr ministre. Disèm « portar nòstras reinvendicacions » mas en fach avèm simplament demandat l’aplicacion dels nòstres dreches marcats dins la Constitucion e lo còdi de l’educacion. Mas sembla que l’aplicacion de la lei siá complicada quand se tracha de l’occitan.
Participèrem a la manifestacion de « Pour que vivent nos langues » lo 10 d’octobre a Montpelhièr.
Contunhèrem d’informar los elegits que de lor costat pausan de questions al govèrn, mandan de letras als ministres o al quite president, mas recebon coma responsa sonque de copiat-pegat fòra de realitat. L’accion de demanda de deliberacions municipalas en favor de l’emendament de la refòrma del licèu comença de portar.
Lo trabalh se perseguiguèt dins la FELCO (que fedèra los CREOs academics) que nos representa dins lo collectiu « Pour que vivent nos langues » e a la FLAREP.
Una comission trabalhèt a prepausar d’estatuts novèls per la FELCO. Son visibles sul site de la FELCO e seràn presentats al vòte a l’AG de la federacion lo 16 de genièr.
Lo trabalh de ligam entre los ensenhaires, qu’es una de las missions primièra de nòstra associacion patiguèt de la situacion. Lo trabalh e la pandemia nos aclapèron. De projèctes d’encontres e d’escambis l’estiu passat e per aquesta fin d’annada son estats remandats. Avèm espèr que se podràn far dins l’encastre d’una collaboracion amb l’EOE per las vacanças d’abrial.
Pr’aquò avèm agut lo plaser de veire que los escambis per internet (google-group, Facebook o autres) an permés de s’ajudar pendent lo confinament e al delà. La revista intèrna « Plumas agudas » a capitat, malgrat una còla encara reducha, a sortir dos primièrs numèros amb un contengut variat e de qualitat. Remplaça pas los encontres de carn e d’òsses, mas empacha de se sentir completament isolat. Tanben cal esperar que la situacion sanitària nos daisse organizar de moments amistoses en 2021.
Vote : rapòrt moral adoptat à l’unanimitat dels 25 votants.
C. Larrocan complèta lo bilanç en precisant que la representacion dels ensenhaires del 1er grat es indispensable al CREO perque son d’actors que coneisson plan lo terrador.
En mai d’aquò, es a l’iniciativa de la revista « Plumas agudas » dont l’objectiu, que foguèt pas vertadièrament tocat, èra lo d’una escritura collectiva. Benlèu qu’es pas utile de perseguir aqueste trabalh e que seriá pertinent de se consacrar a la realizacion d’un utís de comunicacion, en particular de cap als elegits.
Rapòrt financièr presentat per Virginia Lago, vice-présidenta :
|
Recèptas |
Montant |
Despensas |
Montant |
|
Cotisas |
142 |
Còstas bancàrias |
28.50 |
|
Dons per la manifestacion a París |
1136 |
Cotisa Convergéncia occitana |
60 |
|
Subvencion Afonsi -PQVNL |
3034 |
Cotisa FELCO |
300 |
|
Subvencion CD 31 |
3000 |
Participacion tren París |
4170 |
|
50 ans del CREO TLS
|
250 200 160 14 185.29 |
||
|
Desplaçament E.Isopet Ministèri |
692 |
||
|
TOTAL |
7312 |
TOTAL |
6059.79 |
Un budgèt excedentari mas de nuançar :
-
Les cotisas son en baissa notabla e i a pas cap de reversion dels CREOs departamentals al nivèu academic. Los caldrà relançar.
-
La subvencion del CD 31 es pas actada.
-
L’Ostal d’Occitània, coma es tampat i a de dificultat per recuperar los relevats bancaris.
-
Magalí Henri se prepausa d’aver los comptes sus internet les comptes sus internet.
-
Magalí, Bruno e Virgínia auràn la signatura.
-
Cal sortir de la situacion actuala, bloquejada, en cambiant enfin lo nom del compte bancari en CREO Tolosa.
Vòte : 1 abstencion e 24 vòtes PER. Rapòrt financièr adoptat.
C. Chapduelh fa remarcar que l’AG es en general l’ocasion de reglar la cotisa.
> Quand recebràn lo CR de l’AG, los sòcis seràn convidats a reglar lor cotisa per l’annada 2021.
N. Rei Bèthvéder ditz que las informacions bancàrias devon èsser mesas al jorn per poder tocar d’eventualas subvencions de las collectivitats localas. E. Isopet respond qu’aquò serà fait aprèp l’AG.
N. Rei Bèthvéder se cargarà de la declaracion à la prefectura dels cambiaments al burèu.
II- Accions en cors :
-
Letras de demanda de deliberacion als conselhs municipals :
A l’iniciativa de JP Ferrèr, cal escriure als conselhs municipals per que demanden l’emendament de la refòrma del licèu. L’accion comencèt en Arièja, Bigòrra, Tarn e Roèrgue, pas encara dins lo Gèrs. Un vintenat de comunas votèron aquelas demandas oficialas. Sembla important d’obtenir aqueste vòte dins las vilas bèlas.
-
Sant Valentin (presentada per C. Chapduelh) :
Le 14 /02 , l’idèa es d’afichar a Tolosa, sul Capitòli, de letras d’amor inspirada dels Trobadors, a destinacion dels passejaires. Lo trabalhs de causida dels tèxtes ja foguèt realizat.
Los 23 e 24 de genièr, una accion de preparacion es prepausada a l’Ostal d’Occitània. Lo dissabte de matin, trabalh d’escritura per transposar en occitan modèrne. Lo vèspre : talhièr de caligrafia amb Pascau Sebat. Lo dimenge : reproduccion de las letras per l’afichatge. I aguèt un bon retorn deus mèdias : lo Jornalet de France3, Ràdios Occitània e Albigés.
Còsta : le portaire financièr del projècte es l’Escòla Occitana d’Estiu (EOE) que deposèt una demanda de subvencion a l’OPLO. En l’abséncia de responsa de lor part, un finançament participatiu foguèt fait sus Helloasso : https://www.helloasso.com/associations/escola-occitana-d-estiu/collectes/parla-me-occitan-m-agrada
Teasing : https://www.youtube.com/watch?v=ImpIyFhu_yQ
Totjorn en espèra de l’autorizacion per la municipalitat de Tolosa, lo projècte deurà èsser pensat jos una autra fòrma en cas de refús (afichatge en cò dels mercadièrs, amb l’Ostal d’Occitània…).
-
partenaris a aqueste projècte : l’EOE, CREO TLS, UT2J, l’associacion Òsca lo Miralh.
Accion limitada à 30 plaças donc cal pensar a s’inscriure.
Per mai d’informacions, notadament suls tèxtes causits, possibilitat de consultar aquel document partejat mas sense o modificar ! https://docs.google.com/spreadsheets/d/1oqRDQITM22pEHQYIo1y31YhJAfMRff-GQr0Kauqmwlg/edit#gid=0
-
Los Escambis occitans (presentats par Ciril Veyssières) :
Projèctes nascuts de la volentat de mantuns partenaris, dont l’EOE encara. S’agís de se donar de temps per escambiar, per soscar. Ensenhaires, sòcis d’associacions occitanas, actors culturals, mèdias, collectivitats son convidats a i participar. Tres tematicas ne sortiguèron, mas cadun poirà portar sa pèira a l’edifici : lo plurilingüisme dins nòstre societat, la creacion de projèctes e los jòcs coma utisses.
Aqueles escambis se faràn en dos temps :
EOI (escambis occitans d’ivèrn) : del 15 al 17 febrièr a Tolosa. Las matinadas seràn faitas per de talhièrs de cosina, seguits d’un repais e los vèspres a de temps d’escambis que permetràn notadament de preparar l’EOP. Tarifa : 14.5€/jorn amb repais comprés.
EOP (escambis occitans de la prima) : del 21 al 23 d’abrial a la MFR de Colonha en Gasconha tolosana. 3 jorns d’escambis amb l’albergament e repaisses compreses en autogestion. Los mainatges son benvenguts. Tarifa : 115€ pels 3j, dormir e manjar compreses.
Ligams per + d’entresenhas :
Eoi: https://www.helloasso.com/associations/escola-occitana-d-estiu/evenements/talhiers-de-cosina
Partença de M. Batbie e arribada d’O. Capòni ( 25 participants).
-
Seguit de la Convencion Estat-Region (presentat per E. Isopet) :
La convencion prevei l’acamp de grops de trabalh departamentals per organizar sa mesa en òbra. Devián èsser acampats al 1er trimèstre . Sol lo Gèrs o faguèt mas sense la preséncia del CREO. L’Òlt s’amassa dimars, amb Alan Rainal coma representant del CREO. E se farà lo 22/01 en Roèrgue.
Le CREO va enviar una letra comuna (Oc-bi, SGEN, FSU, Sud, UNSA) al rector Mostafà Fourar, aquesta setmana, per demandar de s’assegurar de la convovacion dels gropes de trabalhs departamentals abans la fin del mes e de l’invitacion dels signataris.
-
Questions divèrses :
-
Situacion a Pinsaguèl / Pinsaguèth (per M. Batbie) :
Arribada de L.Cayrol (26 participants).
> Projècte de SB dins aquela comuna de l’aira urbana de Tolosa. Es complicat perque i a pas de regent competent en occitan. NRB ajusta a la fin qu’una mocion poiriá èsser votada en sosten a aquela SB a la comunitat d’aglomeracion de Murèth.
-
Situacion dins lo Tarn (per G. Cany) :
Una novèla IEN foguèt nomenada. Mostrèt tre la debut sa volentat de pas cap cambiar res, de pas ajudar al desvolopament de l’ensenhament de l’òc, çò que nos sembla un marrit començament per la seguida.
Es important de dire als IENs la convencion que devon aplicar. Lo corrièr al Rector li demandarà d’alhors de remembrar a sos IENs lors obligacions.
-
Situacion dins los Hauts-Pirenèus (per E. Pujòl) :
Pas de CREO departamental que fonciona en Bigòrra donc i a una demanda d’ajuda al CREO academic per contactar l’IA.
-
Situacion a Balmar (par N. Becvòrt) :
Catastrofica dempuèi d’annadas, l’ensenhaira espèra una evolucion de l’establiment perque i aguèt un cambiament de direccion.
Las oras son pas atribuidas coma cal (1h/nivèl).
Que los establiments sostenon, fòrça o pas tròp, l’ensenhament de l’òc, amb per exemple lo vòte de las oras en DG), es totjorn lo rectorat qu’a lo darrièr mot, per l’intermediari de l’IA-IPR. Los efectius pichonèls sont sovent un pretèxte per pas atribuir lo volume orari legal. Aquò es inacceptable. Las oras donadas devon èsser las que son previstas per la lei.
-
« Pour que vivent nos langues » (per G. Mercadièr, presentat en debuta de reünion) :
Une reünion se passèt recentament amb Y Lespós, Òc-Bi, M. Paulin e G. Mercadièr : la decision foguèt presa d’alertar Francés Vairon sus la situacion de l’occitan.
En mai d’aquò, un debat se faguèt al Senat en decembre e foguèt un senhal positiu per nosautres perque los senator s’opausèron al punt de vista de JM Blanquer. La lei tornarà en discussion a l’Assemblada Nacionala, segurament en abrial. Se va caler mobiliar per que nòstres deputats sián aitanplan entressenhats coma los senators. Cal que vòten lo manten de las modificacions prepausadas pel Senat. Aquesta adopcion poiriá permetre de donar de còs a l’article 67-1 de la Constitucion que ditz que les « langues régionales sont un élément du patrimoine ». Aquò nos donariá de la legitimitat .
-
Renovèlament dels membres del CA e eleccion du Burèu :
Mocion 1 : per la paritat femna / òme al CREO TLS > N. Rei Bèthvéder explica que lo 70% dels ensenhaires d’occitan son d’ensenhairas e qu’aquesta proporcion ne se retròba pas brica dins sos representants al CREO TLS. Nicolau ajusta, vist lo contèxte, que nos cal donar de temps (2 o 3 ans), per arribar a la paritat efectiva.
Foguèt adoptada l’idèa que « La CA e lo burèu respectarà la paritat femna/òme » Serà integrada dins la modificacion dels estatuts venenta, dins un maximum de 3ans.
Mocion adoptada amb 23 vòtes e 3 abstencions.
Mocion 2 : per crear presidents d’onors : Los ancians presidents del CREO TLS a la retirada. > Nicolau ajusta tanben, vist lo contèxte, que cal de temps (2 o 3 ans). Foguèt adoptada l’idèa que « Los ancians presidents del CREO Tolosa, que son pas mai en activitat, son presidents d’onor. » Serà integrat dins la modificacion dels estatuts venenta, dins un maximum de 3ans.
Mocion adoptada amb 24 vòtes e 2 abstencions.
Partença de F. Mercadièr e M. Miranda (24 participants).
Eleccions CA del CREO TLS 2021:
Murièl BATBIE (09- 2°)
J-P FERRÈR (31- 2°)
Marièla MIRANDA (32- 2°)
Cristòl MENASSÒL (46-2°)
Elodia PUJÒL (65- 2°)
Olivièr CAPÒNI (81-2°)
Elodia REYNAUD (82- 1°)
Joan-Francés COUROUAU (Universitat)
Maria-Sofia BRUN (82- 1°)
Eric BARTA (81- 2°)
Cecila CHAPDUÈLH (09- 2°)
Silvan VALETTE (81- 1°)
Lucila FOURTANET (82- 1°)
Gwenael CANY (81- 2°)
Cyril VEYSSIÈRE (82- 2°)
Emmanuèl ISOPET (82- 2°)
Virginia LAGO (32- 2°)
Magalí HENRI (32- 2°)
Bruno DURANTON (12- 2°)
Nicolau REI BÈTHVÉDER (32- 2°)
Joan-Baptista COURCELLE (81- 1°)
Vòte : 26 per, 0 contra, pas cap d’abstencion.
Eleccion del burèu 2021 del CREO TLS
Emmanuèl ISOPET pdt (82- 2°)
Virginia LAGO vice pdta (32- 2°)
Magalí HENRI clavaira (32- 2°)
Bruno DURANTON clavaire adjunt (12- 2°)
Nicolau REI BÈTHVÉDER secretari general (32- 2°)
Joan-Baptista COURCELLE secretari adjunt (81- 1°)
Vòte : 26 per, 0 contra, pas cap d’abstencion.
Autorizacion d’aver la signatura de l’associacion e d’aver accès als comptes en linha :
Los signataris seràn : Virginia Lago, Magalí Henri e Bruno Duranton.
Vòte : adoptat a l’unanimitat dels 24 votants.
-
Preparacion de l’AG de la FELCO :
2 representants devon èsser nomenats per representar lo CREO TLS a l’AG de la FELCO.
Son proposats lo president e la vice-presidenta : E. Isopet et V. Lago.
Vòte : adoptat a l’unanimitat dels 24 votants.
De notar que i a encara plaças al CA de la FELCO, vos podètz presentar.
Eric Barta se va presentar per representar l’ensenhament confessional catolic.
Le punt 7 de l’òrdre del jorn sus la comunicacion es enviat a mai tard.
