Vaqui lo messatge de sa filha Sophie : « Ce message pour dire qu’André est parti hier à 6h30, sans conscience et tranquille. Les obsèques auront lieu au théâtre [http://cdoc.fr/] mardi 18 à 14h15″.
Tot jovenòt, alara que son passatge a l’Escòla Normala lo destinava a un mestièr d’institutor, Andrieu causiguèt lo teatre, après un rescontre amb Robert Lafont, que n’interpretèt las pèças, coma metèt en scèna las òbras de Florian Vernet, de Renat Merle, o sas pròprias creacions. Recentament, aviá publicat un libre que son títol disiá plan l’aventura caluga qu’èra estada 
la causida d’una vida tota : Il fallait être fou.
Lo darrièr còp que nos rescontrèrem, èra al CIRDOC, a Besièrs, per un collòqui consacrat al teatre d’òc. Amb sa filha avián presentat lo libre e l’aventura existenciala que l’aviá suscitat. Òme engatjat, tota sa vida refusèt los compromeses amb las idèas politicas de refús de l’autre. Puslèu crebar la fam que d’acceptar de se sotmetre quand sa vila, Tolon, foguèt presa per la drecha extrèma.
Silvan Chabaud aviá rendut compte del libre d’Andrieu dins lo numèro de la revista Plumas consacrat al teatre. « Son livre est un précieux témoignage qui nous plonge dans plus de cinquante années de travail, d’écriture, de route, de scènes et de réunions, d’espoirs et de déceptions, de colères, d’affirmation de soi et de réussites, d’aventure collective aussi. Il se lit comme un roman, se vit comme un véritable road movie au rythme des déplacements d’une compagnie, sur les planches et dans la réalité du quotidien, au plus près des femmes et des hommes qui ont partagé et partagent encore cette même passion. », aital començava aqueste compte rendut. Un libre de legir absoludament per comprene l’itinerari de l’òme. Se pòt comandar sur site del teatre http://cdoc.fr/.
Adieu, l’amic, ton òbra demòra, amb lo remembre de ton coratge politic e intellectual.
