AG CREO de l’acadèmia de Tolosa de 2024,
dissabte 16 de novembre de 2024
Ostal d’Occitània de Tolosa. Sala A. Perbòsc.
De 9:40 a 12:30.
Presents : 16 (contra 24 en 2023) : E. Isopet, V. Lago, M. Henri, N. Rei Bèthvéder, JB Corcela, E. Barta, G. Mercadièr, D. Castanh, M. Miranda-Dupin, S. La Vath, S. Vaissièra-Korol, MS Bòsc, M. Juniet, T. Hérail, L Cròs-Humbèrt, Joan Thomas.
Desencusats : Menassòl, Escudèr, Vathvia, Belcor, Brun, Capòni, Ferrèr, Duranton, Boivert, Bardou, Brunèl, Clèrc, Dauriac, Duplessy, Dutaut-Boué, Frare, Pujòl, F. Mercadièr, Ròcas.
1 – bilanç d’activitats : legit pel president Manú Isopet.
Aquí lo moment de far lo punt dempuèi l’AG passada.
Qué de novèl ? De ministres a tombarèls e una reforma « choc des savoirs » qu’a plan mal entravat l’organizacion dels collègis.
Pel CREO, foguèt una annada a l’encòp costumièra e excepcionala.
Una annada costumièra pel trabalh que menam dempuèi d’annadas. La preséncia als CAEOCs ont ensajam de far ausir la votz dels ensenhaires. Preséncias als Gropes de Trabalhs departamentals quand i a pas de CREO departamental. Tanben lo sosten als collègas qu’encontran de dificultats dins lors establiments.
Amb lo desmargament del CAPÒC, nos sèm trobat fàcia a de dificultats per trapar las ressorças pedagogicas. Avèm interpelat la Region (finançaira del CAPÒC). Sens responsa per ara. Un ensenhaire, Bertrand Pemolièr, es cargat de la « prefiguracion » del « futur CAPÒC ». A veire.
Trabalham de longa amb los elegits e cargats de mission regionals, amb l’OPLO, qu’es a se reorganizar jos la direccion de Gauthier Lagalaye, e Oc-bi, per las questions d’ensenhament. Atal avèm participat, convidat per l’OPLO, al bilanç de la convencion Estat-Region.
Lo CREO de l’academia de Tolosa es representat per Virginia Lago e Joan-Baptiste Courcelle dins la nòstra federacion qu’es la FELCO que seguís son trabalh cap al ministèri e la politica nacionala. En mai Maria Boivert, Bruno Duranton, Maxime Juniet e Gilabèrt Mercadièr participan al CA.
Mai generalament, sèm actius dins la Coordinacion occitana, que lo CREO n’a la presidéncia viraira per ongan, avèm trabalhat e obtengut amb lo sosten de la Region, un pòste al CESER (Conselh economic social e environamental de la region) ocupat per Magali Blenet. Trabalham tanben al restabliment d’un temps d’antena mai significatiu per l’occitan a France Bleu Occitanie.
Enfin, aquesta darrièra mesada ai participat a una jornada de reflexion del Partit Occitan per presentar la situacion de l’ensenhament de la lenga e al collòqui de la FLAREP (federacion per las lengas regionalas dins l’ensenhament public) en Flandra ont los escambis amb los representants de las autras lengas son totjorn instructius.
Aquela annada foguèt tanben excepcionala gràcia a una accion excepcionala que foguèt lo recampament de 634 escolans de tota l’academia pendent 2 jorns a Tolosa. Un eveniment positiu, un succès, qu’esperam tornar far e que nos caldrà valorizar alprèp de las autoritats.
Enfin, al moment ont nos trobam, cal notar un cèrt nombre de noveltats e d’incertituds.
De noveltats amb un IPR novèl. Didier Agar prendrà la retirada dins quinze jorns. Thierry Doussine li succedís (quitament se l’anòncia oficiala tarda a arribar als collègas). Es l’ancian IEN de la circonscripcion de Valença d’agenés e referent academic per l’occitan.
Un CREO qu’es a se tornar bastir dins l’Òlt.
D’incertituds amb un cambiament d’ambient rapòrt a l’occitan. Lo darrièr CAEOC foguèt reportat sens explicacions e al darrièr moment (2h abans) per se tenir fin finala pendent las vacanças d’estiu. En l’abséncia del rector. La gestion de l’ensenhament de l’occitan sembla èsser passada a la Secretària generala adjunta, que representava egalament lo rector (vici-president de l’OPLO ça que la) al bilan de la convencion.
Lo dorsièr occitan es pas mai gerit per un IEN, mas per la A-DASEN en Tarn e Garona. E la novèla DASEN d’Òlt mespresa totalament la convencion e se vòl contentar de sensibilizacion a la plaça de l’ensenhament. Sembla èsser, sus aqueste punt, alinhada sus una posicion non oficiala de la DGESCO.
Enfin, la Convencion venenta, que deu organizar l’aplicacion de la lei del 21 de mai 2021, es totjorn a se negociar. Avèm fach conéisser las nòstras demandas, proposicions e idèas. Esperem.
Per l’annada que ven, caldrà èsser atentius e actius. Atentius per parar lo semenat coma disiá un ancian IPR, e actius per contunhar de ganhar la batalha de l’opinion publica e avançar cap a la generalizacion de l’ofèrta d’ensenhament, coma o ditz la lei.
2-Bilanç dels rencontres academics occitans pels escolans del 6 e 7 de mai organizadas pel CREO TLS per Magalí Henri
Vidèo d’aqueles rencontres academics occitans : https://youtu.be/0DoGaMrKpug
Présentation :
Le Centre Régional des Enseignants d’Occitan de l’académie de Toulouse est une association loi 1901 dont les objectifs sont « de contribuer à la transmission de la langue et de la culture occitanes, notamment par l’enseignement et de s’associer aux actions visant à valoriser la langue et la culture occitanes dans la société ».
Lors de l’Assemblée Générale 2022, le constat a été fait que l’enseignement de l’occitan était souvent mis à mal, alors qu’il s’agit d’un enseignement dynamique, ouvert sur les Autres, qui motive les élèves.
Les enseignants, avec de nombreux projets, transmettent à leurs élèves la langue et la culture occitanes, mais sont souvent isolés dans leurs établissements. Il n’en fallait pas plus pour motiver les bénévoles de l’association à organiser un temps fort de valorisation de la langue et de la culture occitanes, qui rassembleraient les élèves de toute l’académie.
Les enseignants connus de l’association ont donc été contactés pour leur proposer le projet. Face à l’engouement des collègues, l’association s’est lancée.
Un lieu central, bien desservi par les transports en commun, était indispensable. La ville de Toulouse a donc été choisie pour accueillir ce moment d’échange.
Par un programme varié et la rencontre avec leurs pairs, les élèves appréhenderont une culture riche et vivante, en perpétuelle évolution et création.
Objectifs :
« Sortir » les élèves de leurs établissements scolaires pour leur permettre de prendre conscience du nombre important d’enfants apprenant l’occitan dans l’académie et donc des dynamiques existantes.
Promouvoir la culture occitane en valorisant la production artistique.
Valoriser le patrimoine local
Faire vivre l’espace public pour donner de la visibilité à la langue et la culture occitanes
Encourager les synergies entre les partenaires
18 Etablissements participants :
Lycée Gabriel Fauré de Foix (09)
Collège Louise Denayrouze d’Espalion (12)
Collège Clémence Isaure de Toulouse (31)
Collège Les Chalets de Toulouse (31)
Lycée St Sernin de Toulouse (31)
Collège Bétance de Muret (31)
Collège François Verdier du Lherm (31)
Ecole Paul Bert de l’Isle-Jourdain (32)
Collège Jean Rostand de Cazaubon (32)
Collège Louise Michel de l’Isle-Jourdain (32)
Collège de F. de Belleforest de Samatan (32)
Collège La Garenne de Gramat (46)
Collège F.Mitterand de Moissac (81)
Lycée de la Borde Basse de Castres (81)
Collège Le Clezio de l’Isle-sur-Tarn (81)
Collège Pierre Suc de St Sulpice la Pointe (81)
Collège Fragonard de Négrepelisse (82)
Élèves de Majorque – (îles Baléares correspondants des Castrais)
Déroulement :
Les élèves ont pu assister sur une ou deux journées à des ateliers, principalement en langue occitane.
Les ateliers étaient adaptés à l’âge des élèves et à leur niveau de compréhension de la langue occitane.
Répartis dans des salles prêtées par la municipalité de Toulouse, les élèves ont pu découvrir de nombreux aspects culturels et rencontrer des professionnels.
Les ateliers proposés, pour les primaires et les collégiens, étaient :
– 2 sur les contes occitans avec A.Rouch et Y.Durand
– Ecriture poétique avec Julie Loubère
– Fabrication de couronne de fleurs avec Manon
– 2 sur les instruments traditionnels avec Mathys Marie et Samuel Méric
– Une initiation à la danse traditionnelle avec M.Vidal
– Initiation aux chants traditionnels avec R. Sichel-Bazin et C. Noilhan (université)
– Balade en péniche
– Ecriture de chants avec Sil et Yellow
– Chasse au trésor sur le patrimoine local organisé par le CREO
Les lycéens quant à eux, ont pu bénéficier d’un accueil à l’Hôtel de Région. En partenariat avec le service Occitan et Catalan Transversalité Numérique et Territoire, ils ont pu découvrir les missions du Conseil Régional, à travers une rencontre avec le conseiller B.Assié. Puis, pour comprendre les dynamiques professionnelles autour de la langue et la culture occitanes, ce sont 4 professionnels qui sont venus à leur rencontre : P.Despax pour l’association Voix du Sud, Aure Séguier pour Le Congrès Permanent de la Lenga Occitana, E.Castagné pour Radio Pais et M.Blenet pour France 3. Enfin, ils ont profité d’un concert donné par P. Despax e C. Trabelsi. Les repas du midi et du soir ont également marqué des temps forts avec des chants communs par les élèves, qui avaient été préalablement travaillés en classe avec les enseignants.
Bilan chiffré : 634 élèves, 18 éts, 17 intervenants, 24 000 euros de budget, 11 partenaires.
Publics :
Conseil Régional Occitanie : aide financière, co-organisation des rencontres lycéennes.
Conseil Départemental de Haute-Garonne : aide financière et matérielle
Commune de Toulouse : aide matérielle (prêt de salles) et financière
Université Jean Jaurès : intervention des personnels
OPLO : aide matérielle et soutien logistique
France 3 : intervention des personnels
Education Nationale : soutien logistique
18 établissements scolaires
Associatifs/privés :
Association d’Arts e d’Oc : co-organisation et soutien financier important avec la prise en charge d’une partie du budget artistique
Congrès Permanent de la Lenga Occitana : intervention des personnels
Radio Pais : intervention des personnels
Association Voix du Sud : intervention des personnels
Réussites :
– L’ensemble des objectifs a été atteint.
– De nombreux partenariats ont été tissés, avec un accueil très favorable de chacun à la présentation du projet et un réel investissement et échange
– Grande richesse des interventions (diversité, modernité, adaptées à l’âge et au degré de compréhension de la langue occitane par les élèves).
– Interaction forte entre les artistes et les élèves
– Bonne présence de la langue (à l’exception de la balade en péniche mais qui revêtait un intérêt historique)
Points d’amélioration :
– Le choix de la vile de Toulouse comme lieu d’accueil était en grande partie motivé par la volonté de réduire l’impact carbone de ces rencontres, en proposant aux établissements l’usage du train pour faire le trajet « établissement-Toulouse ». Or, les réservations avec le service groupe de la SNCF ont quasi toujours été impossibles pour des raisons indépendantes des établissements scolaires.
– Déplacements intramuros coûteux et parfois longs, pas toujours pratiques avec des groupes importants.
– Participation aux frais de déplacements des établissements éloignés impossible en raison des attributions tardives de subventions.
– Réservation des salles et logements laborieuse et chronophage. Impossibilité de trouver une grande salle pour organiser la soirée ouverte au public.
Conclusion : Les bénévoles de l’association CREO de l’académie de Toulouse sont très satisfaits de cette action, qu’ils souhaitent reconduire en 2026. Les quelques difficultés rencontrées n’enlèvent rien à un bilan très positif.
3 – Bilanç financièr legit per Magali Henri, clavaira de l’associacion.
-
Adoptat a l’unanimitat : 16 vòtes + 20 poders
Montant de la cotizacion : 10 euros. 38 escotissons en 2023, fòrça encara pagan pas e son çaquelà consomators del CREO Tolosa.
Recebèm pas cap de cotiza despartamentales. Mas es vertat tanben que i a de departaments ont los CREO departamentals foncionan pas mai o gaireben pas mai : 09, 31, 46, 65. Nos caldriá pensar a nos reorganizar perque en realitat es lo CREO TLS que fa çò que pòt pels GT. Nos cal trobar un referent per departament dins aqueles endrets.
Lo ligam per pagar en linha, pels que paguèron pas encara :
https://www.helloasso.com/associations/creo-toulouse/adhesions/escotisson-2024-2025
I a tanben un debat que se faguèt sus l’utilizacion dels 4000 euros de subvencion de la Region OPM, l’idèa en tornant a las debutas del CREO seriá de far de jornadas de formacions endeus collègas perque avèm pas pro de formacions del costat del rectorat. Seriá un bon mejan d’integrar neoprofessors e estudiants. Per la sala Cròs-Humbèrt se ne poiriá encargar per exemple a Sant Çubran de Tolosa. NRB parlèt s’ocupar del contengut e dels intervenents possibles. Las datas retengudas poirián èsser lo dissabtes 15 o 22 de març de 2025
4-Melhorament la comunicacion del CREO TLS
NRB presenta son idèa cambiar la comunicacion intèrna e extèrna.
En intèrne :
I a qualquas problemas ambe lo googlegroup, nos cal utilizar benlèu de mai en mai lo grop WhatsApp del CREO TLS.
Fòrça presents se planhen que lo siti comun FELCO-CREO es un pauc tèrne.
NRB parla de son projècte de letra d’informacion mensuala als aderents, mas tanben faita per l’exterior per parlar segur dels nòstres problèmas, mas tanben de la nòstra accion pedagogica positiva.
En extèrne. NRB parla d’ua collaboracion ambe lo jornalet que publicariá las informacions mensualas del CREO TLS.
Cal aumentar la nòstra preséncia sus las rets socialas (FB, X, Blue Sky, Insta, Telegram, …).
Un CREO TLS actiu que comunica pas, es un CREO qu’existís pas.
5 – Eleccion deu CA :
Conselh d’Administracion du CREO de l’acadèmia de Tolosa en 2024-2025
-
Eric BARTHE (81- 2° privat),
-
Muriel BATBIE-CASTELL (09- 2°),
-
Marie-Christine BOIVERT (81- 2°),
-
Gwenael CANY (81- 2°),
-
Olivier CAPONI (81-2°),
-
Delphine CASTAING (32-2°),
-
Cécile CHADEUIL (09- 2°),
-
Jean-Baptiste COURCELLE (81- 1°),
-
Bruno DURANTON (12- 2°),
-
Jean-Paul FERRÉ (31- 2°),
-
Magali HENRI (32- 2°),
-
Léo HUMBERT,
-
Emmanuel ISOPET (82- 2°),
-
Maxime JUNIET (81 – 2°),
-
Sonia LABAT (31 – 2°),
-
Virginie LAGO (32- 2°),
-
Christophe MENASSOL (46-1°),
-
Marielle MIRANDE-DUPIN (32- 2°),
-
Elodie PUJOL (65- 2°)
-
Nicolas REY-BÈTHVÉDER (32- 2°),
-
Rafèu SICHEL-BAZIN (Universitat),
-
Stéphanie VAISSIÈRES
-
Cyril VEYSSIÈRE (82- 2°)
-
16 vòtes + 20 poders : CA elegit a l’unanimitat
6 – Eleccion deu burèu deu CREO TLS en 2023-24
President : Emmanuel Isopet
Vice-Presidenta : Virginia Lago
Secretari generau : Nicolau Rei Bèthvéder
Secretari adjunt : Jean-Baptiste Courcelle
Clavaira : Magalí Henri
Clavaire adjunt : Bruno Duranton.
16 vòtes + 20 poders : CA elegit a l’unanimitat
7- Representants FELCO
Joan-Baptista Courcelle e Virginie Lago. 16 vòtes + 20 poders : A l’unanimitat.
V. Lago diguèt que l’activitat èra en baissa perque aguèrem 3 ministres de l’EN en un an ! Dificila donc d’establir relacions ambe lo ministèri
8 – Torn deus despartaments
09-Arièja (Coserans – País de Foish):
– lo GT 09 se tendrà lo 28/11
– una formacion pels ensenhaires bilingues 1èr e 2nd gras organizada per la CPD Lengas s’es tenguda dimècres passar.
– Totjorn sonque 2 seccions bilinguas (St Guironç e Foish) mas obèrtura al collègi de Foish ongan. 2
– Autres sites d’ensenhament en opcion : collègis de Masèras, Mas d’Asil, Lesat, Mirapeish, e un de Pàmias, amb complements de servici dins lo 1èr gras (sensibilizacion)
– Manca de ressorças umanas sul territòri : ges d’ensenhament a L’Avetlanet, Tarascon, Ax los Termes e Hauta Arièja tota.
– pas d’encargat de mission al Departament emai nos aguèssen promes, ja fa 2 ans, que la Convencion seriá signada.
– problematica d’incompatibilitat de la seccion bilingua en collègi a Foish amb un ensenhament opcional (problemas d’EDT pr’amor d’un fum d’opcions prepausadas).
12- Avairon (Roèrgue)
Dins lo primièr gra de l’Avairon :
En 2023-2024 l’ensenhament bilingue concernís doncas 692 escolans sus 15 classas a RODÉS, VILAFRANCA, MARCILHAC, ESPALIU, SANT-AFRICA, LA PRIMAUBA, LA BARRACA, MILHAU. Coma o vesètz lo nombre d’escolans baissa (sèm a -15.9 % sus las cinc darrièiras dintradas), e aquò es ligat en partida a la baissa demografica generala que coneis lo despartament d’Avairon.
3 PE asseguran un ensenhament renforçat dins lor classa. Las escòlas concernidas son Brandonet, La Folhada, Cenòma-Montanhòl. Mantunes domanis i son ensenhats en occitan mas dins la limita de 3 oras per setmana. L’objectiu d’aqueste ensenhament renforçat es de permetre a d’escolans que venon pas de seccions bilingues de poder integrar un ensenhament bilingue al collègi. A l’ora d’ara, lo bilanç es mai que famelic. De notar que son d’escòlas pichonas amb d’efectius pichons a cada còp.
1 classa EMILE anglés e occitan a Marcilhac. Es un projècte lançat dempuèi tres ans e que sembla fonccionar.
Lo conselh despartemental finança una sensibilizacion via l’associacion ADOC 12 que tòca a l’entorn de 150 escòlas, çò que representa 1/3 dels enfants avaironeses del primari. L’Objectiu del despartament es d’arribar a 40 % en 2026. ADOC 12 tòca doncas 6500 escolans en rason de 22 sesilhas de 30 minutas sus l’annada. Se lo seguit se fa pas pertot coma cal al collègi, ont ADOC 12 interven, una dinamica positiva es endralhada e lo seguit al collègi es plan mai aisit de far.
Dins lo segondari de l’Avairon :
Dins nòstre despartament l’occitan es ensenhat dins 15 collègis publics (suls 21 que compta lo despartament) e tòca 1045 escolans. La remontada entamenada a la dintrada 2022 s’es perseguida amb una auçada encara de 4.9 %. Mas la situacion es plan desparièra d’un collègi a l’autre amb de punts d’inquietuda dins d’unes sectors del despartament (Milhau, La Vila), amb una plaça de l’opcion mai fòrta dins los establiments rurals e ont las escòlas del sector benefician del trabalh de ADOC 12. De notar tanben la dificultat d’enrasigar l’opcion dins los establiments urbans ont l’ofèrta d’opcions es mai larga e la concurréncia entre los ensenhaments mai ruda. Las escòlas urbanas son tanben mens tocadas per ADOC 12.
L’iniciacion generalizada / sensibilizacion es estada prepausada aquesta annada a 619 escolans. Mas aquesta iniciacion a de modalitats, o sabèm ben, plan diferentas d’un establiment a l’autre quora es prepausada : qualquas oras, de còps un trimestre, de talhièrs viraires….
Costat cursus bilingüe, la dinamica es plan diferenta d’un collègi a l’autre. S’es plan bona a Sant-Africa o al Collègi Fabre de Rodés, bona a La Barraca o Espaliu, es mai pessamentosa sus Milhau, La Vila, e quitament Marcilhac. Dins aquestes collègis la contunuitat amb lo primari es pas pro eficienta malgrat l’investiment constant e la qualitat del trabalh dels collègas. A la dintrada 2023, Avairon comptava 279 collegians bilingues contra 280 a la RS 2022.
En Avairon 6 licèus publics e 2 licèus privats prepausan lo seguit per un efectiu de 119 liceans. Dempuèi dos ans lo nombre de liçeans tòrna créisser modestament (+ 12 entre la RS 2022 e la RS 2023) mas caldrà de temps per tornar trobar (s’aquò arriba !) los efectius de dabans la refòrma Blanquer. L’ensenhament es tampat dempuèi la dintrada al licèu Montelh de Rodés. EDS al licèu de Sant-Africa.
Noveltats a la dintrada 2024 : seguit bilingue en classa de segonda al licèu Fòch de Rodés (fisica-quimia) e dubèrtura de l’ensenhament en segonda al licèu agricòl de La Ròca.
31-Hauta-Garona (Comenge JPF)
Aprenguem aué (vau mès tard que james) que barrèren era opcion ath collègi Leclerc en mes de junh.
pensem que mos cau concentrar eths mejans on fonciona (Aspèth, Aurinhac e eths autis que se n’anen hèr còder dus ueus…)
Donc, a Sent Gaudenç, i a cap sonque eth licèu Bagatelle… Que vedi Doussine eth 2/12 (CRPE) e que’u tornarè parlar dera necessitat de dubèrder ua seccion bilingua a St Gaudenç.
32-Gèrs
1) 1èr grad:
→Draubida de la seccion bilingüa de Samatan anonciada peu rector, mès lo DASEN digoc que n’ei pas possible en pr’amor de las òbras a l’escòla. Ne semblan pas pressat de’n parlar e quitament n’an pas enveja de’n parlar.
→Demandas de draubida de section bilingüas en Gèrs (Aush, Pavia, CCAAG* e lèu Masseuva) mès totjorn pas de politica globala de formacion de monde per ensenhar o dambe 2 jorns per la formacion deus bilingües per 2 personas. Qu’ei a díser ARREN !
*CCAAG : Communauté de Communes Astarac Arros en Gascogne
► Cambia pas e cambiarà pas dambe aqueste DASEN !
Thierry BAYLAC ( CPD)
→A Vic a l’elementària, costat de Vic, ( 1 pòste e mièja enguan) .
Ça que la, sabem pas tròp d’on veng aquera mietat en carta escolara (n’i a pas avut nada creacion), e sabem pas tanpauc çò que se va passar l’an que veng.
→Un aute chepic : los utis de trabalh en bilingüe. Qu’estoc mauaisit d’aver lo materiau de mats en òc, e sembla que l’an que veng n’i aurà pas arren.
-En CP e CE1 , que son fiquièrs, alavetz ne se pòt pas guardar d’ua annada a l’auta.
– En CE2, quavèm manuaus que podem guardar, mès en CM1 e CM2 n’avem pas arren. Dejà que n’ei pas aisit de trobar regents, se en mei d’aquò , cau arrevirar tots los utis de trabalh…
Estela ARIES ( Regenta elementara Vic de Fesensac)
→I auré pas mejan peu CREO de Tolosa de hèr pression d’ua faiçon o d’ua auta, sèi pas tròp sus quin organisme, ende “reglar” la causa ?
L’OPLO n’a pas arren a díser, e mes qu’aquò, a hèr, end’ajudar a trobar solucions ? Que supausi qu’aqueras questions e suggestions estón hèitas dejà… Mès… Pr’amor virar los utís en gascon, efectivament, que se hasèva dens las annadas 80-90… E l’edicion en lenga qu’estoc ua brava victòria…
Marc CASTANET (Retirat)
2) 2nd grad :
→Collègi l’Isla de Baish L.Michel en opcion
A la fin de l’annada passada, m’estoc demandat de cambiar lo mòde de recrutament en tot recrutar tre la fin deu CM2. En tèrma d’efectiu, que soi plan contenta pr’amor qu’a fonccionat. A véser si contunharàn en 5au. Tanben m’an tornat a un orari correct de 2 oras per nivèu qu’èra pas lo cas dempuèi dus ans. Positiu per un cop.
Ca que là, cau notar que lo collègi balha totjorn pas arren sus la sua autonomia ende l’ensenhament opcionau e qu’ensenhi sus lo men jos servici e l’òra e mièja balhada peu rectorat. Plan solide, lo recrutament dins las escòlas de CM2 se hascoc suu temps libre deu professor.
Virginia LAGO ( collègi l’IDB)
Licèu Josèp Savèrna de l’Isla de Baish (NRB)
Positiu : Aumentacion deus efectius, notadament en EDS OC, Prumèr Erasmus Long Occitan e Catalan, draubida de la seccion bilingua F / OC au licèu dambe 8 escolans que seguissen l’istòria-geo en occitan dambe Magalí Henri.
Negatiu : Un faus sos-servici permet la draubida de la SB en licèu. Coma serà financiada la seccion bilingua l’an que veng se’s draubís en prumèra ?
→Collègi de Samatan
costat samatanés va plan, mès en fòrça… La concurréncia dambe la classa bilenga, lo FCA, la corala ei ruda. Mercés a un alongament de la jornada, e pr’amor d’ua lassèra giganta per aqueste combat, n’èi pas « regularizat » las inscripcions en seisena. Totes los volontaris son notats. Dambe l’aplicacion de la règla de non cumul de las opcions, serén un quart de mens.
Duas solucions:
– s’i hèr e se deishar negar dins lo banh deu facultatiu
– lutar e reivindicar per ua preeminéncia au « país deu facultatiu »
soi per la segonda opcion naturalament.
Los tèxtes nos deurén ajudar dins aquesta batèsta d’actualitat.
→Collègi Salinis d’Aush
Iniciacion en 6au entre miègjorn e 2 òras coma los clubs e las òras de viat de classa…( e l’aplicacion de la lei Molac ) . Nat cors ad aqueth orari dens lo collègi… Intervencions botadas sus aqueth cors… Pausa meridiana non arrespectada …Recul deu nòste ensenhament sus aquera question. L’òra de 6au arretrobada enguan sus la DGH mès las condicions d’ensenhement son maishantas e cau motivar los dròlles sus aqueth orari…A despart d’aquò, que fonciona.
→Collègi de Vic de Fesensac
Fonciona plan mès enguan un cors a 13 òras pr’amor de la multituda de grops en occitan e latin e deus grops de nivèus en francés … Siquenon, fonciona plan.
→Collègi J.Rostand Eusa-Casaubon
Fonciona. Pèrta de l’aufèrta en 6au despuish 5 ans mentre que i auré un interès. Se va pausar la pb de l’autonomia e de guardar las 3 òras l’an que veng pr’amor de l’utilisacion de la marja d’autonomia ( latin-seccion aviron-corala-occitan-grops de nivèus…) .Lo principau ( favorabla) hè çò que pòt ende guardar las 3 òras mès a mejans petits dens lo « FAR WEST » deu Gèrs…
3) Subjècte divèrse :
Benlèu cau evocar pro viste que lo CREO 32 se posicionaré per « La Passem » 2026 pr’amor las causas se hèn ara.
46-L’Òlt
81-Tarn
82-Tarn-e-Garona
9-Collòqui de la FLAREP dins las Flandes.
E. Isopet : es totjorn un lòc ont s'escambiem d'entresenhas entre lengas.
10- Questions divèrsas.
Idèa de far una granda manifestacion occitanista en 2025 a Marselha o endacom mai. Lo CREO TLS es per , quitament se lo delai es cortet. Cal arrestar ambe lutas d'ego entre occitanistas perque l'ora es grèva.
V Lago atira l'atencion qu'avèm totjorn pas los programas pels licèus.
E Barta parla de la situacion desastrosa de l'occitan dins lo privat catolic.
Lo CREO TLS sosteng la corruda per l'occitan, LA PASSEM, dins Tarn lo 23 e 24 de mai de 2025.
Thierry Doussine seriá lo futur IPR d'Occitan, quitament s'es pas encara oficial, mas en realitat lo secretariat general sembla aver la man. Lo CAEOC del 13/12/2025 serà l'ocasion de veire tot aquò.
Patissèm totjorn dins lo segondari de la concurréncia ambe las autras opcions.
CR fait per NRB, validat e completat per EI
