1) Article de la Dépêche du Midi sus la primièira fasa del projècte
2) Lo projècte sus l’annada
Los objectius de mon projècte son de far descobrir als escolans lo Patrimòni e l’Istòria locala dins la lenga del país !
S’apiejar sul territòri ont vivèm es fondamental per interessar los escolans a l’occitan. Lo vilatge de La Tronquièra, per exemple, ont es implantat lo collègi La Châtaigneraie, se tròba dins lo Segalar ont lo monde païsan e la lenga d’òc, sonada « patois » coabitan. Aquesta lenga s’entend encara dins la boca dels vièlhs e los adolescents i son pas indiferents. Es a partir del viscut dels escolans, de lor experiéncia que bastissi ma demarcha pedagogica : desvolopar lor curiositat, prepausar quicòm de diferent, d’original per rapòrt a un autre cors en fasent de sortidas o en fasent apèl a d’intervenents exteriors per exemple.
Los partenaris son de personas ressorças de La Tronquièra e del Segalar qu’an ajudat a la realizacion del jòc de pista. Las questions qu’èran pausadas van permetre de trabalhar de tematicas ligadas al Patrimòni e a l’Istòria locala.
A partir del film « La fileuse de chanvre du Ségala », anam trabalhar sus la vida païsana (mestièrs ancians, tradicions…) amb notadament l’ajuda d’un intervenent del film.
Las perspectivas seràn de concebre, se possible amb l’ajuda del professor de tecnologia, un jòc de societat per mostrar als escolans la riquesa d’una lenga e d’una cultura vivas que fan partida de lor environament quotidian, en tot s’amusar.
Las collectivats localas seràn sollicitadas a fin de permetre la realizacion d’aqueste jòc.
Estève Clerc, lo professor
