Anna-Laura Tobena, ensenhaira a Calandreta, nos informa de la reconduccion de l’operacion « Prèmi literari CALANDRETA », dubèrta a totas las escòlas e que dona una escasença de mai als escolans de legir de libres en occitan. Entresenhas complètas, fichas d’inscripcion, causida dels libres sus aqueste document : Doc enseignants occitan Prèmi literari Calandreta 2024 2025
Vaquí lo messatge recebut : Las escòlas de la Calandreta Dagtenca e las Calandretas de Narbona en partenariat amb lo C.I.R.D.O.C. Institut de cultura, APRENE e la federacion 34 de las Calandretas convidan los enfants a participar a la onzena edicion del Prèmi Literari Calandreta 2024/2025 e a causir lor libre presat aprèp lecturas, debats e per de que pas, rescontres amb los autors.
1) Presentacion del projècte
Lo Prèmi Literari Calandreta es un projècte dobèrt a totas las classas occitanas, de la mairala a la tresena (collègi). Ara, existís tanben una seleccion pel cicle 4. L’aprendissatge de la critica literària es al centre de l’accion. S’agís, pels escolans, d’aprene a passar delà lo simple « m’agrada o m’agrada pas aquel libre » e lor permetre d’aquesir qualques critèris d’apreciacion d’una òbra, de confrontar de vejaires a travèrs d’activitats menadas en classa.
Lo principi es simple : una tièra de 4 obratges es legida pels escolans d’un cicle. Aprèp lectura, los escolans devon discutir, argumentar e escambiar sos vejaires, abans que de votar. Cada classa deu causir un libre unenc segon de consignas de vòte precisas (grasilhas balhadas). Aqueles vòtes son collectats e comptabilizats per tal de premiar un libre per cada cicle.
2) Los objectius pedagogics del prèmi
Costat adults
- Motivar los escolans a la practica de la lectura amb de tèxtes adaptats a lor nivèl.
- Endralhar de debats ont la critica d’òbras constituís un supòrt a l’expression orala dels
- Elaborar d’aisinas
Costat escolans
- Desvolopar lo plaser de legir
- Descobrir e espandir sas causidas literàrias
- S’apropriar un patrimòni literari dels joves
- Èsser capable de metre en evidéncia de critèris de seleccion d’un libre e de participar a de discutidas ont s’agís d’argumentar, justificar o valorar sa
- Apreciar lo debat e l’escambi. Desvolopar l’escota de l’autre.
- Escambiar, comparar, soscar per melhorar e adaptar sos gostes personals de
- Enonciar de jutjaments en s’apuejar sus la compreneson de l’istòria.
3) Calendièr
Junh : Informacions sus la seleccion dels 4 obratges per cada nivèl
Setembre : Recepcion dels documents ligats al Prèmi literari ; Inscripcion de la classa a l’adreiça del Prèmi: premi.literari.calandreta@gmail.com Abans lo Divendres 18 d’octobre de 2024 (al mai tard).
Aprèp inscripcion, anatz recebre d’ajudas pedagogicas, d’idèas e d’astúcias per vos ajudar dins vòstra participacion e vòstre procediment.
Serà tanben possible de telecargar de documents que concernisson lo Prèmi Literari Calandreta sul siti fabrica.occitanica.eu
De Setembre a Març : Descobèrta e lectura dels 4 libres per totes los enfants d’un meteis cicle.
La tòca del Prèmi es de legir las òbras e de ne se causir una.
Los que son interessats pòdon fargar d’òbras artisticas en ligam amb las òbras que seràn mostradas lo jorn de la remesa dels prèmis. De comentaris son tanben possibles de far sul siti « la fabrica » ES FACULTATIU !
A partir de Febrièr : Recepcion del material de vòte, documents de presentacion, bulletin de vòtes, fuèlh de comptatge de las voses, cartas d’electors…).
Març : Votar al dintre de la classa per elegir lo libre mai presat, transmission de la causida a la Calandreta Dagtenca abans lo dimècres 26 de març 2025.
Lo dimècres 26 de Març : Data limita de transmission dels vòtes a la Calandreta Dagtenca.
Per las produccions de classas, las mandar fin de març, directament a la Calandreta La granhòta de NARBONA (Impasse Robert Lafont 11100 Narbonne).
Una mòstra se debanarà per la Passejada Literària, a Narbona, lo dimars 27 de mai*DATA DE CONFIRMAR.
Lo dimars 27 de Mai : « Onzena Passejada Literària » *DATA DE CONFIRMAR
Jornada de rescontres e escambis entre classas e autors, a Narbona.
- Mòstra comuna dels diferents trabalhs de las classas (produccions artisticas, expausats, vidèos…). Aquela mòstra poiriá viatjar a la demanda de las escòlas.
- Ceremonia oficiala amb remesa dels Prèmis Literaris en preséncia dels
Un certificat de participacion serà ofèrt a cada sòci de la jurada.
4) Referent per escòla
Per comunicar mai aisidament, per cada escòla que participarà, un regent serà volontari per èsser referent del Prèmi Literari. Son ròtle es de portar la paraula dels collègas per tot çò que concernís lo Prèmi Literari (demandas, remarcas, dificultats o contentaments…) e de tornar totas las informacions transmesas pels organizators.
Utilizar l’adreiça seguenta : premi.literari.calandreta@gmail.com
5) Tièra dels libres seleccionats
CICLE 1 (mairala)
2)- Bédélou, le petit veau dans la montagne – Denise et Jacques Champeyroux, Felix Daval, Florent Pons e Christine Rouchet Tible – I.E.O. Cantal
3)– L’ors e las sasons _ Eva Cassagnet Reclams
4)– Badic Badòc – Terèsa Pambrun Letras d’òc
CICLE 2
- – Sòmis de savana – Bertrand Alberge et Anne Rizzo Edite-moi!
- – Al casal de la menina – Cécile Serres Cap Òc
- – La caisholeta d’Anatòli _ Isabèu Carrier Per Nòste
- – Las tres auquetas – Jan Dalharí Letras d’òc
CICLE 3
- – Rodeo preïstoric _ Aure Séguier Reclams
- – Es tresaurs deth bòsc _ Pere Martí Pagès editors
- -Alfà bestiari _ Alan Roch Vendèmias
- – Lo capitani Campani _ Maria Rouanet Letras d’òc
CICLE 4
- – Pichons, vos vau contar _ Aimat Tastaire E.O. Òlt
2)– La pèira que nada – Sèrgi Mauhorat CANOPE
3)– Los Ignorants _ Etienne Davodeau Terrairòl
4)– Zibola _ Robert Pastor I.E.O. Erau
