CR deu C.A. deu CREO de l’acadèmia de Tolosa
deu dissabte 29 d’agost de 2020 a Autariba
(mercés a Cecila entau son arcuelh generós e simpatic)
de 10h a 16h. Bon ambient, constructiu e seriós
10 Presents : Chapduelh- Lago – Miranda- Isopet- Rei-Bèthvéder – Mercadièr – Menassòl – Corroau (Vrèspe) – Cany (Matin) – Valeta (Matin).
Desencusats : Duranton – Barta – Capòni – JB Courcelle – Batbie – Ferrèr – Pujòl – De Lorenzo – Thomàs.
Lo CREO TLS ne profièita entà desirar a Bruno Duranton un bon restabliment.
Mostafà Fourar es lo novèl rector de l’acadèmia mondina. Avèm demandat ua entrevista. Lo principi estoc acceptat. Esperam concretament ua data precisa [Dumpuei lo rectorat prepausèc lo dimars 22 de seteme a 9h]. I a ua valsa deus rectors qu’es pas bona entà ahortir l’ensenhament de l’occitan : 3 en 3 ans.
Lo CREO TLS, dambe l’ajuda d’Ives Ariès que l’avoc coma escolan, demandèc un rescontre dambe Joan Castèths (Jean Castex, prumèr ministre). Avèm pas encara de responsa.
Dintrada escolara 2020
Manu Isopet preng la paraula e parla deus punts de dificultats :
-Au Collègi Loïsa Michel de l’Isla de Baish (32) on mancan d’oras entau bilingüe, mès tanben entà las opcions.
-Au primari a Castras a la seccion bilingua on i a pas mès de regent d’occitan. Lo Tarn a pas mès l’enquadrament en CPD que i avèva (1/2 pòste de mensh).
Las SB de Samatan, Mauvesin e Vic de Fesensac son pas draubidas encara. Vic a un ensenhament de l’occitan ahortit.
Refús sistematic de las derogacions entà l’occitan a Albi
-Participacion deu CREO TLS a l’emission de VAP de France 3 sus la dintrada de l’ensenhament de l’occitan que serà difusada lo 5.9.20
Dintradas e sortidas deus collègas
-I a de partença de collègas d’Occitan dins lo 2dari. Julian Konopnicki se’n va a Narbona, Estela Comellas en Biarn, Taillefer en America deu Sud. García-Cròs dèisha l’educacion nacionala. Joan Thomàs partirà a la retrèita pendent aquesta annada escolara.
-Avèm ua neo capesiana gascona a Tarba dambe Matilda Susbielles.
Lo CREO TLS va demandar los fichièrs dambe los contactes deus collègas a l’IPR entà estar mès reactiu. Avèm l’ancian fichièr mès ara es tròp inexacte. N. Rei-Bèthvéder l’actualizarà.
Pòstes liures
-L’OPLO recruta
-Òc-Bi es en cèrcas de quauqu’un entà remplaçar Clamenç Pech. Tots laudèn lo son bon trabalh dambe lo CREO TLS.
CPDs (Conselhèrs Pedagogics Departamentaus d’Occitan)
-Lo Gers a fin finala un CPD oficiau dambe la persona de Thierry Baylac que sembla de bona volentat e que vòu tornar lançar lo bilingüisme dins lo primari.
-L’Òut totjorn pas de CPD quan avèm Cristau Menassòl de disponible. Situacion lamentabla. Lo CREO TLS pensa a hèr un clam en justícia.
-Situacion que pausa problèma dins le Tarn tanben.
Licèu.
Vist lo succès -modèste mès reau- de l’EDS occitan, lo CREO demanda ara que tots los licèus, on i a de l’occitan, prepausen l’especialitat (EDS) occitan qu’es rentable ( de 5 a 16 en coeficient). Demandam totjorn la LVB pertot quitament se progrèsses importants estón hèits.
-Lo licèu Clémence Royer de Fontsòrbas va draubir l’occitan entà assegurar la continuitat dambe la seccion bilingua de Sent Lis. Avèm la chança d’aver ua provisora occitanista G. Alary. Serà a Virginia Lago de draubir l’occitan en licèu.
Convencion
Deuré estar signada au mes d’octobre. Calerà que sia un utís au servici deu desvolopament deu noste ensenhament, a maugrat deu retard pres e de la regressions.
Problèma de la formacion.
I a quasi pas mès arren dins lo PAF.
Demandar aus INSPEs 6h minimum d’iniciacion a la lenga e a la cultura occitana entà cada regent.
Serà benlèu au CREO a tornar a la hont en tornar hèr accions d’autoformacion en :
-Contunhar de participar a l’Escòla Occitana d’Estiu de Vilanuèva d’Òut.
-La Guèpia…
-Jornada de formacion deu CREO en ivèrn, lo 5 o 12 de deceme suu tèma deu ligam collègi/licèu/universitat. Demandar ua sala a la Region o a Garoneta.
-Jornada de formacion a la prima: ligason primari/collègi.
Problèma de recrutament deus regents d’occitan en seccion bilingua (SB)
Demandar la region OPM, de modificar en d’eslarguir las borsas Ensenhar, en obligar los regents bilingües de damorar cinc ans minimum suus pòstes en occitan de SB. En contra partida, ua prima regionau seré dada. Se hè en C.E d’Alsàcia.
Cau relançar la politica rectorala entà l’occitan en aver ua nava circulara sus l’ensenhament bilingüe occitan- francés.
La politica de Blanquer d’aviar SB Francés – Anglés es desastrosa entà l’occitan.
Pour que vivent nos langues (PQVNL)
Dificultat a aviar PQVNL pr’amor qu’èra tròp centrat sus Molac e Alfonsi, sembla cambiar e la basa d’eslegits s’eslarguir. La manifestacion deu 10-10-20 a MTP pausa problèma dambe l’aram deu Covid-19 que s’espandish per nòste. Virginia Lago ei cargada deu seguit dambe lo CREO Lengadòc (MTP).
Accions deu CREO TLS
Tornar lançar las vidèos «#viveloccitan» per la jornada europèa de las lengas lo 26.9.2020. S’agish de hèr participar escolans e autes. Un exemple de véser en bèth clicar ací.
Vos tornam enviar lo padlet entà listar los punts a pensar a l’entorn de l’accion #viveloccitan e los documents visuaus junts : https://padlet.com/cchapduelh/s6cmv90ystzb
Hèr ua hèsta de la Sent Valentin non comerciala dambe messatges d’amor en occitan, benlèu coma hascón los Araneses i a quauques temps dejà : véser la vidèo ací.
Demandar a JP Ferrèr de constituir un fichièr deus eslegits favorables a l’ensenhament de l’occitan.
Demandar a l’OPLO de tornar prénguer lo tribalh d’estampar materiau pedagogic (deishat peu CRDP).
Reviscolar los CREOs departamentaus
-46 Lagaly ?
-65 Elodia Pujòl ? Pèir Camas ?
-09 JM Rauzy ?
E aprestar los CDLR previstes per la Convencion, ende portar las demandas localas e de demandas comunas.
Universitat Joan Jaurés.
L’universitat tolosana a un 20at d’estudiants en occitan. Inquietuds peus recrutaments de l’an que veng. Cau tornar organizar la venguda d’estudiants dens los licèus en deceme ende hèr la promocion de la formacion.
Aumentar l’impacte deu CREO Tolosa
-Debat sus la creacion d’un Snapchat, Tik Tok > Creacion d’un compte twitter deu CREO TLS
-Hèr calamèos de la revista Plumas Agudas entau difusar suus hilats sociaus. Revista de qualitat mès que s’ameritaré ua maqueta diferenta. Proposar ua collaboracion damb Lo Diari.
A vénguer
-Lo collòqui de la FLAREP se harà deu 17 au 18 d’octobre a Perpinhan. Ei un moment important d’encontre e de formacion. Se poderà organizar viatge en trin o coveituratge.
-AG deu CREO, fixada au 14 de noveme. Benlèu a Montauban.
-AG de la FELCO en deceme o genèr. Serà un moment important dambe la modificacion deus estatuts. Lo C.A deu CREO TLS es estacat aus art. 2 e 3 deus estatuts actuaus de la FELCO e deu CREO TLS pensats per Andrieu Lagarda. L’AG se deuré passar a Niça. Organizarem coveituratges (bus?).
CR de NRB anotat per EM
