L’assemblée générale annuelle de la FELCO s’est tenue le 1er mars 2025 à Montpellier. Le nouveau conseil d’administration  a été élu ainsi que le bureau.
Le compte rendu a été rédigé par Virginie LAGO et Marie-Jeanne Verny, complété par les informations communiquées par les délégués académiques présents.

Acamp del CA sortent

Presents

Benoit Bolano (CREO Lengadòc),Laura Bonnet (CREO Auvernha),Beatritz Bringué (CREO Lengadòc), Jean-Baptiste Courcelle (CREO Tolosa), Bruno Duranton (CREO Tolosa),Maxime Juniet (CREO Tolosa), Viginia Lago (CREO Tolosa), Jeremia Marçais (APLR),Felip Martel (CREO Lengadòc),Frederic Martron (APLR),Olivier Pasquetti (APLR),Maria-Joana Verny (CREO Lengadòc),

Isabelle Théron, e Lionel Cayrol (CREO Tolosa), venguts de luenh e arribats lo matin, son convidats d’assistir a l’acamp del CA.

Causida de la data de l’AG

Constat es fach del temps perdut dempuèi 3 o 4 ans per fixar la data ideala. Per evitar aquesta perda d’energia,estent que i aurà totjorn d’empachas per los uns o per las autras, decision es presa d’arrestar la data de l’AG definitivament al 1^er o al 2nd dissabte de novembre.

L’AG venenta es donc fixada al 8 de novembre.

Demanda es facha a las associacions academicas, tant coma es possible, de s’èsser recampadas aperabans. (NB : lo CREO Lengadòc se recampa lo 1^er dissabte d’octòbre : permet d’aver un bilanç de la dintrada, de preparar l’accion de l’an (mai que mai las demandas de subvencions per projèctes) e d’anticipar los grops de trabalh departamentals de novembre + lo CALR.

Per motivar un pauc mai lo monde e prene mai de temps per los escambis e la convivialitat, question es pausada de faire l’AG sur una dimenjada tota (coma s’es agut fach autrescòps) amb un temps de cultura e de convivialitat lo dissabte de ser. Consultacion serà facha sus aquesta proposicion.

Foncionament de la FELCO e de son CA

Lo CA constata e regreta l’inegalitat de l’implicacion de las associacions academicas dins la FELCO. Per quant al CA, la majoritat dels collègas membres, segon lor disponibilitat, s’implican regularament dins las consultacions fachas e lor vejaire es mai que preciós per lo burèu. Es prepausat de demandar als membres del novèl CA quinas serián loras competéncias e envejas de portar pèira al trabalh comun.

Lionel Cayrol pausa la question dels problèmas rescontrats per los collègas e del besonh de sosten de la part de la FELCO : es tanben lo ròtle de la FELCO de recampar los problèmas individuals.

Responsa es facha qu’es justament una de las occupacions màgers de la direccion de la FELCO, que tot se pòt pas publicar, estent lo caractèr confidencial d’una dificultats, mas que la situacion de patiment dels collègas d’occitan (encara mai granda que la dels collègas d’autras disciplinas) es evocada sistematicament a cada rescontre al Ministèri dabans de quadres « aimablament » indiferents per que son en defòra de la realitat.

Escambis a l’entorn de la formacion « ensenhar »

Aqueste formacion es prepausada unencament dins las academias que dependon de l’OPLO. La question se pausa del devenir d’aqueles collègas formats, entre los que perdon lor motivacion un còp formats e los que son empachats per lor ierarquia de metre en practica la dicha formacion (exemple del cas d’un collèga de l’Academia de Montpelhièr, blocatper de caps d’establiments ostils, malgrat sosten del Rectorat).

NB : a Montpelhièr, demanda es estada facha per lo CREO a l’IPR e a l’OPLO d’establir un bilanç de la formacion, en foncion del devenir dels collègas que n’an beneficiat.Cada associacion academica podriábenlèudemandar aqueste bilanç afin de saupre si los beneficiaris son plan afectat sus un pòste en (o amb de) occitan.

Los collègas de Niça fan estat de la dubertura d’una formacion : s’agís de prepausar a comptar de la rintrada 2025 (amb dorsièr da pausar abans lo mes de mai) un congièr formacion d’un an complet remunerat plenament per de professors del primièr gra que voldrián ensenhar dins los cursus bilingues de la Vila de Niça. Lo pretzfach compòrta la clausa de s’engatjar au mens tres ans, un còp obtenguda la formacion, sus de pòstes de cursus bilingue que son publicats.

AG

Presents

Sebastien Bournat (CREO Lengadòc),Lionel Cayrol (CREO Tolosa), Benoit Bolano (CREO Lengadòc),Laura Bonnet (CREO Auvernha),Beatritz Bringué (CREO Lengadòc), Jean-Baptiste Courcelle (CREO Tolosa), Bruno Duranton (CREO Tolosa),Maxime Juniet (CREO Tolosa), Viginia Lago (CREO Tolosa), Jeremia Marçais (APLR),Felip Martel (CREO Lengadòc),Jaumelina Martin (CREO Lengadòc), Frederic Martron (APLR),Olivier Pasquetti (APLR),Matthieu Poitavin (AELOC), Josette Soliva (CREO Lengadòc), Isabelle Théron, (CREO Tolosa),Maria-Joana Verny (CREO Lengadòc),

Desencusats

Fabienne Albert (CREO Lengadòc),Joan Barcelo (CREO Granòble),Maria Boivert (CREO Tolosa),Silvan Chabaud (CREO Lengadòc),Maria-Anna Chateaureynaud (CREO Aquitània),Devà Dauriac (CREO Lengadòc),Danis Galvier (CREO Lengadòc), Emmanuel Isopet (CREO Tolosa) (procuracion Duranton), Julien Konopnicki (CREO Lengadòc), Sarah Laurens, (AELOC), Gilbert Mercadier (CREO Tolosa) (procuracion Duranton),Patrici Roques (CREO de la Talvèra)

Vòtes rapòrts

• Lo president presenta lo rapòrt moral : https://www.felco-creo.org/raport-moral-felco-2024/. Es votat a l’unanimitat
• Lo clavaire presenta lo rapòrt financier : https://www.felco-creo.org/wp-content/uploads/2025/03/COMPTES-2024.pdf. Es votat a l’unanimitat e quitus es donat als clavaires Bruno Duranton e Laura Bonnet.

Discussion

Sul conselh dels usatgièrs del Congrès. Maxime expausa lo ròtle d’aqueste conselh e çò que sap de son istoric (questionar, portar la votz dels utilizators, exprimir lors besonhs concrets). Prepausa de recampar las remarcas e pècas que los professors e lors escolans pòdon trobar de còps en utilizant Dicodòc, Revirada, etc… Presenta lo grand projècte de diccionari (DGILO) e la question de las caucions scientificas e mai lo besonh d’escambis amb la còla salariada e lo conselh lingüistic. Maxime farà remontar las remarcas de la FELCO al conselh e organizarà la consultacion dels collègas sus lors besonhs.

Sus La Passem organizada dins Tarn : son donadas de plaquetas de presentacion, es prepausat de difusar lo ligam del site : https://www.lapassemtarn.org. Una crida als dons, al sosten e a las adesions es facha.

Eleccion Conselh d’administracion

Lo principi es de votar sus las novèlas candidaturas recebudas o presentadas en AG e sus los ancians membres non presents a l’AG après consultacion d’aquestes per lo president. Après vòte AG a l’unanimitat e consultacion dels absents, aqui lo CA novèl :

Représentant.as academics

• Montpellhièr : Benoît Bolano (1^er gra) e Béatrice Bringué (2^nd gra)
• Ais – Marselha : Sarah Laurent (2^nd gra) e Matthieu Poitavin
• Auvernha : Laura Bonnet (1^er gra)
• Tolosa : Jean-Baptiste Courcelle(1^er gra) e Virginie Lago (2^nd gra)
• Aquitània : Clamenç Masseillou (1^er gra) e Nancy Capelle (1^er gra)
• Granòble : Joan Barceló (2^nd gra)
• Nissa : Frederic Martron (2^nd gra)e Jérémy Marçais (1^er gra)
• La Talvèra : Patrici Roques (2^nd gra)

Membres elegit-da.s

• Fabienne Albert, CREO Lengadòc (1^er gra)
• Maria Boivert, CREO Tolosa (2^nd gra)
• Lionel Cayrol, CREO Tolosa (2^nd gra)
• Sylvan Chabaud, CREO Lengadòc (Universitat)
• Marie-Anne Chateaureynaud, CREO Aquitània (INSPE)
• Bruno Duranton, CREO Tolosa (2^nd gra)
• Denis Galvier, CREO Lengadòc, (1^er gra)
• Thomas Hirondelle, CREO Aquitània (2^nd gra)
• Frédéric Jolibois, APLR (2^nd gra)
• Maxime Juniet, CREO Tolosa (2^nd gra)
• Julien Konopnicki CREO Lengadòc,  (2^nd gra)
• Philippe Martel, CREO Lengadòc (Universitat)
• Jaumelina Martin, CREO Lengadòc, (1^er gra)
• Gilbert Mercadier, CREO Tolosa (2^nd gra)
• Olivier Pasquetti, APLR (2^nd gra)
• Aimelina Recours, AELOC (2^nd gra)
• Isabelle Théron, CREO Tolosa (2^nd gra)
• Marie-Jeanne Verny, CREO Lengadòc (Universitat).

Eleccion del burèu

Se pòrtan candidat.as

• Bruno Duranton e Laure Bonnet : clavaires
• Marie-Jeanne Verny e Lago Virginie : co secretàrias
• Vice president : Joan Barcelo
• President : Olivier Pasquetti

Responsables de sectors

• responsable 1^er gra : Benoit Bolano e Jeremia Marçais
• responsabla collègi : Virginia Lago
• responsabla licèu : Matthieu Poitavin
• responsabla INSPE/ Universitat : Silvan Chabaud e Maria-Anna Chateaureynaud ?

Torn academias

Montpelhièr

1^er gra (Benoit Bolano)

Las relacions son relativament bonas amb la ierarquia – DASENs e rectorat –. De duberturas de percors bilingüeatèstan d’una dinamica positiva. Ça que la, lo principal obstacle demòra la manca d’ensenhaires qualificats per assegurar l’ensenhament dins aquestas classas. De còps, los percors son instaurats sens pro de concertacions amb las còlas d’ensenhaires, çò que pòt menar de dificultats de compreneson e mai de tensions al dintre de las escòlas. Es doncas indispensable d’acompanhar e d’informar melhor los professors per facilitar l’integracion armoniosa d’aquestas seccions bilingüas.

Un autre problèma significatiu se pausa al moment del passatge al collègi. Fòrça escolans abandonan la lenga en 6^ena per mantuna rason. D’una part, l’occitan es pas present dins totes los collègis de l’academia e, coma en 6^ena,dins totes los establiments concernits. Fauta d’ensenhament de DNL, l’occitan apareis solament coma una opcion, que dubrís pas drech a derogacion (es la mema causa en licèu, d’autant mai quand l’occitan es ensenhat dins un licèu prestigiós amb d’opcions « raras » que servisson per los parents de biais de desvirament de la carta escolara). D’autra part, dins los collègis ont l’occitan es ensenhat, lo nivèl es sovent tròp bas per d’escolans qu’an seguit un ensenhament immersiu o bilingue a paritat orari dempuèi la mairala. Los professors an la dificultat d’ensenhar simultanèament a de collegians debutants e a d’autres ja passats per un cursus bilingüe (public o associatiu), çò que complexifica considerablement lor trabalh.

Parallèlament, l’associacion Zo Petaçon, encargada de l’organizacion del projècte pedagogic academic en occitan e de Las Encontradas, lo grand acamp departamental dels escolans engatjats dins lo projècte, se tròba confrontada a de constrenchas financièras grèvas. En rason de la diminucion drastica de las subvencions atribuidas per las collectivitats, aqueles recampaments poiràn pas èsser organizats ongan dins dos departaments sus quatre : Erau e Aude. Es una pèrda considerabla per la visibilitat de l’ensenhament de l’occitan dins lo primari.

Nos cal doncas demorar vigilants e mobilizats per sostener lo desvolopament de l’ensenhament de l’occitan e per defendre lo manteniment de las activitats culturalas que ne permeton la transmission e la valorizacion.

2nd gra (Beatritz Bringué).

Una enquista es estada facha al prèp dels collègas (25 responsas sus 33 collègas). Las oras se mantenon, a despart de 2 establiments, los collègas fan estat de « sabotatge » per faire baissar los efectius, se planhisson de la concurréncia, amb de novèlas opcions e subretot la nòva LCE (Langue et culture européenne) ;l’ambient detestable dins los establiments ; demanda es facha per mantun.a que l’occitan siá derogatòri.

Las oras se mantenon mas son ja al minimum e representan dins la màger part, d’oras sagetadas que son mandadas pel Rectorat. Òm remarca tanben una baissa dels mejans per la dintrada 2025 quand las oras son compresas dins la DGH. Los collègas senton plan que riscan de perdre d’oras se mantenan pas los effectius. Sens comptar las situacions fòrça dificilas per los collègas qu’ensenhan dins mantun establiment o que se veson privats de lors oras d’occitan que le Rectorat atribuís a un autre professor. I a tanben lo problèma de la valéncia que representa tròp sovent los 3/4 del servici.

Tot aquò pesa fòrça sul moral dels collègas e n’i a que son vertadièrament afectats e ansioses per l’avenidor.

Tolosa

1er gra (Jean-Baptiste Courcelle) – completat après l’AG per Virginia Lago

Pas cap d’obertura. Sonque de « concertacions » o d’estudis sus d’escòlas per de novèlas seccions bilinguaso de renforçats.La carta escolara anoncièt d’abòrd quatre barraduras de classas bilinguas : Assièr (46), Sarrancolin (65) e doas en Tarn e Garona (82). Dins lo 82, l’engatjament del CREO, cotria amb lo SNUIPP e lo SE-UNSA, permetèt de manténer los pòstes.

Per la manca de professors bilingues, de pòstes POP son prepausats al moviment nacional per ensajar de far venir e subretot de far demorar los regents sus los pòstes ont i a de cambiaments regulièrs.
Totjorn de dificultats pel pòste de CPD dins Òlt.
Al nivèl de la sensibilizacion, depend dels despartaments. L’utilizacion d’Adage per d’unes projèctes pòt ajudar.
Dos despartaments se son empeutats sul projècte academic de l’acadèmia de Montpelhièr e an realizat de rescontres.
Qualquas classas participèron als rescontres academics organizats pel CREO Tolosa e foguèt una plan bona capitada.

2nd gra (Virginia Lago)

La situacion es pro establa. Las oras flechadas destinadas a l’ensenhament bilingue (lenga e DNL) semblan arribar coma cal. Notam ça que là de disparitats segon los establiments : d’unes an pas qu’una ora de lenga per nivèl, d’autres son enfrentats al regropament de nivèls en cors de lenga, d’autres encara prepausan pas de DNL o una DNL incomplèta en nombre d’oras.
Las oras flechadas destinadas a l’ensenhament opcional de l’occitan semblan tanben arribar coma cal dins los establiments que balhan plan doas oras mas i a encara (tròp) d’establiments que balhan res sul marge d’autonomia (e per d’unes d’entre eles que jògan amb lo jos-servici dels collègas), per qui las oras flechadas pòdon baissar.
Una situacion pro establa donc, mes pas estrambordanta : tròp d’oras d’ensenhament opcional son estadas perdudas dempuèi 2019, i a gaire de desenvelopament de l’ofèrta e la situacion en licèu demòra un subjècte de pensament important : pauc d’ofèrta, regropaments de nivèu, efectius flacs…

Clarmont

1^er e 2^nd gra : Laura Bonnet

una novèla DASEN es estada nomenada, GT regulars. Los effectius se mantenon dins lo primièr gra. Pel segond gra, progresson de 33% d’escolans. De notar que lo collèga es sol sus 5 collègis e 1 licèu.
Complements d’après AG : sortissèm d’un grop de trabalh academic. Lo CPDLVER de Cantal telefonèt a la Region. Semblariá que la Region aguèsse votat la convencion al mes de decembre. Lo document seriá en espèra de signatura davant de tornar per signatura al Rectorat.
Aquesta annada avèm fargat un questionari pels ensenhaires, primièr e segond gras, e las collectivitats per ensajar de trobar de personas ressorgas. Se lo questionari es plan passat dins Cantal, sembla qu’Allier l’aja pas difusit nimai lo questionari segond gra dins 63 e 43. Los qualques retorns qu’avèm mòstran que qualques collègas serián interessats per èsser formats. Nos cal soscar ara al biais de los formar. Semblariá que i aguèsse dins l’académia 4 ensenhaires titularis del CRPE especific occitan (3 dins lo 63, 1 autre dins Cantal).

– Lo CALR se tendrà lo 7 d’abril.

Ais (bilanç mandat après l’AG per Matieu Poitavin)

CALR

Lo darnier CALR s’es tengut lo 14 de novembre de 2023. N’i a pas agut despuei… L’AELOC a mandat una letra de demanda d’entrevista al rector.

Bilanç dau primari.

L’erosion contunha. I a pas d’establiments novèus qu’aguesson demandat un estatut especific. Avèm perdut una escòla bilinga.

Dins Bocas-de-Ròse, Lei conselhiers pedagogics an fach un gròs trabalh de recampament e de produccion de documents amb l’ajuda d’una ERUN (enseignante référente pour les usages du numérique).

Collègi

Constatam una mesa en concurréncia ambe de certificacions atractivas, que son pas d’opcions, mai que son valorizadas per lei capsd’establiments e que son pagadas en PACTE (coma lo BIMer: brevet de certificacion dei mestiers de la mar). Pòdon beneficiar de financiaments importants per lei transpòrts (per lei sortidas). Constatam tanben de situacions dificilas de manten deis ensenhaments e mai amb un nombre important d’escolans per de questions de mejans budgetaris globaus.

Licèu

Lo recrutament es en pena. Mai Lo manteniment deis opcions patís dempuei la reforma (dau caire d’Avinhon e Aurenja, lei grandeis opcions facultativas (espòrt, teatre, latin) patisson tanben. Lei collègas manifèstan ara lor reticéncia de recrutar en LVB, e mai sián dins lor drech per o faire, mai perqué crentan la concurréncia amb leis autrei lengas, victimas elas  tanben de la reforma dei licèus. De cors d’opcions se tenon lo dimècres dins d’unei establiments e d’oraris malaisats son prepausats coma a la fin de la jornada del divendres de ser.

Universitat

Tres cors de provençau ambe tres nivèus dispariers.

Intervencion de l’AELOC dins lo mitan escolar

N’i a mantuna :

• Cantejadas, publicacions per lo promier gra.
• Publicacion en bilengue de Roland Boyer, Histoire de Marseille et de la Provence / Istòria de Marselha e de la Provença, Edicions de l’AELOC, 2025.
• Representacion de l’AELOC a l’espectacle prepausat per lo rectorat Mistral en chansons.
• Ajuda financièra e pedagogica per un rescòntre ambe lei Catalans en licèu-ERASMUS (Aurenja).
• Ajuda au projècte dau Liceu Thiers a Marsilha : Joseph Fallen, lo bon doctor.S’agís d’una tentativa de recampament de totei leis associacions de defensa de la lenga e de l’ensenhament, Felibrige, IEO, Prouvençau a l’Escolo e AELOC (la FELCO foguèt mencionada). Lo liame solet es Rancher (un ancian dau licèu Thiers) qu’es un escrivan. Filme, mòstra, una exposicion virtuala e d’objèctes en liame.
• Projècte dei rescòntres escolars de la lenga d’òc (jornada dau 20 de junh 25) engimbrat amb l’AELOC e l’IEN de la circonscripcion de la Ciutat (ambe l’ERUN, una conselhera pedagogica de la mission LR13 e MN Pieracci per lo 1^er e 2^nd gra) e la comuna. Es un projècte de ligason cicle 3 (escòlas-collègi) onte leis escolans prepausan una produccion orala, ò numerica, participan a d’ataliers (associacions dau relarg en matinada) e a un espectacle participatiu. Saràn premiats per sei produccions. Un projècte « notre École, faisons-la ensemble »es estat depausat (mai semble que li ague plus ges de sòus despuei lo mes de setembre).
• Notar la Publicacion regulara de la revista La Tarasca/o : https://www.aelocfr/file/tarasca/Tarasca_82.pdf

AELOC / FELCO

L’AELOC es en quista d’una persona referenta per lo primièr gra dins la FELCO.

Niça

1^ergra (Jeremia Marçais)

• 3 sites bilingues, un esper : anam dubrir un sistèma de congièr formacion : de mond que se son marcats, 2 reunions dins las escòlas concernidas ; en defòra del bilinguisme,se fan de causas, mas sens CPD, avèm pas d’informacions seguras.

2^ndgra (Frederic Martron)

• plan de formacion amb 50 collègas marcats per aprene la lenga ; una collèga socitosa de la lei e del drech ; mantenèm l’existent : 38 oras sagetadas ; mantenèm ; recrutament dels professors : pb, recrutament de vacataris ; punt de vigiléncias : gardar l’enquadrament, baissa de mejans, enfants diferents, que vòlon res faire

Granòble

Informacions donadas per J. Barcelo (desencusat)

Dins lo primièr gra, i a pas qu’un solet mestre itinerant que pertòca a quaucomet pròche 150 escolans. Un solet collègi prepausa l’occitan.

Afiliacions FELCO – Associacions e collectius amics

FLAREP

L’investiment de la FELCO dins la FLAREP a contunhat e contunha. La FElco era presenta au collòqui anndièr que si tenguèt en Flandre per sostenir la demanda de creacion d’un Ofici publi de la lenga Picarda. La FElco regreta que minga sindicat foguet present en aqueu colloqui. En consequença la Felco mandèt ai partenaris de la FLAREP una nòta intèrna que concerna li relacions emb lu sindicats e espera que aquelu seràn presents ai collòqui venents, en Savòia en lo 2025, au pais Basc en lo 2026, en Alsaça en lo 2027.

Congrès

Maxime s’exprimís rapòrt al reviscòl del Conselh dels usatgièrs. Presenta son ròtle e lo pauc que sabi de son istoric (questionar, portar la votz dels utilizators, exprimir lors besonhs concrets). Prepausa de recampar las remarcas e pècas que los professors e lors escolans pòdon trobar de còps en utilizant Dicodòc, Revirada, etc.
Presenta lo DGILO (projècte en cors de grand diccionari) e question de las caucions scientificas.
Fai estat del besonh d’escambis amb la còla salariada e lo conselh lingüistic.
Per lo conselh dels usatgièrs, prepausa deconsultar los collègas

APLV

Patrici Roques contunha de nos i representar e nos fai fidèlament de renduts comptes del trabalh fach. Lo relai serà passat pauc a cha pauc a Beatritz Bringué que Patrici ajudarà.
Suggestion es facha als collègas d’aderir individualament a l’APLV per renfortir la fòrça que representam amb nòstra adesion associativa / https://www.aplv-languesmodernes.org/spip.php?rubrique3

Pour que vivent nos langues

Maria Joana presenta l’estat del trabalh dins lo collectiu PQVNL nascut en 2019. Las relacions son puslèu bonas d’aquesta passa al dintre del collectiu. MJ participa amb Claire GAGO (animatritz del collectiu), Sébastien Castet (Euskal Konfederazioa) e Renan Kerbiquet (Kelennomp) a la bastison dels estatuts e del règlament interior que devon faire passar lo collectiu a un estatut d’associacion « lei 1901 ». Es un gròs trabalhtecnic fastidiós (2 oras d’acamp cada 15 jorns), mas sèm plan ajudats per los estatuts (e R.I.) respectius de la FELCO e de Euskal Konfederazioa, que nos an servit de basa del trabalh qu’es estat considerat per totes coma necessari per clarificar lo foncionament del collectiu. Podètz aver una idèa del trabalh fach sus aqueste ligam.
Los comptes-renduts de reunion, relevats de decisions… son disponibles sus aqueste ligam.En mai de las reunions especificas suls estatuts, los acamps se tenon ara cada primièr diluns del mes.

Dos regrets personals :

• Los presents son polarizats (e se compren) sus las accions de menar. Mas regreti una manca absoluda de curiositat per rapòrt a las culturas divèrsas que representam.
• Me sentissi un pauc sola per representar l’ensenhament public de l’occitan. E ai totjorn lo sentiment que l’enòrme trabalh fach per la FELCO al dintre de PQVNL dempuèi la creacion del collectiu pòrta pas totas las fruchas que deuriá per l’ensenhament public de l’occitan, qu’es pasmens la tòca màger de nòstre engatjament.

Estivada 24-25-26 de julhet

La FELCO a respondut « presenta » per assegurar, coma l’an passat e dins las edicions precedentas, la tenguda d’un estand e, eventualament, prepausar d’animacions pedagogicas. Aquò se farà en foncion de la disponibilitat dels collègas. Un messatge serà mandat per sollicitar idèas e bonas volontats.
La FELCO es aderenta de l’associacion La gardarem, qu’organiza l’Estivada.

« La passem » dins Tarn

Maxime distribuís la plaqueta de presentacion, demanda que sia difusada l’adreiça del site : https://www.lapassemtarn.org e fai una crida als dons, al sosten e a las adesions.