- L’amassada generala extraordinària de la FELCO se tendrà lo dissabte 16 de genièr de 2021 a 13h30 au licèu Masséna de Niça se la situacion sanitària o permet. Dins lo cas ont se podriá pas téner fisicament, se farà en visioconferéncia. Las modalitats practicas d’aquesta organizacion seràn disponiblas una setmana abans l’AG.
Aquesta amassada aurà per tòca de modificar los estatuts e lo reglament interior de l’associacion. Las proposicions d’estatuts e de reglament interior faitas pel CA après estudi del trabalh de la commission encargada de la modificiacion dels estatuts son disponiblas sul sit de la FELCO.
- L’amassada extraordinària serà seguida per l’amassada generala ordinària a partir de 15h30.
ÒRDRE DEL JORN
- 1. Rapòrt financièr – discutida e votacion – quitús al clavaire
- 2. Rapòrt moral – discutida e votacion
- 3. Situacion de las academias
- 5. Accions de menar en 2021
- 6. Organizacion de comissions de trabalh
- 7. Questions divèrsas
- 8. Eleccion del CA
Las proposicions de questions d’abordar en questions divèrsas son de mandar al secretariat (mjvb@orange.fr e olivier.pasquetti@ac-nice.fr) abans lo 4 de genièr de 2021.
Sota reserva de l’adopcion en acampada extraordinària dels estatuts novèls, lo CA de la FELCO serà compausat de 32 membres:
- 16 membres de drech que representaràn las 8 acadèmias de l’espaci d’òc (2 membres per cada seccion academica mandatats per lo sieu CREO, AELOC, APLR per lo representar al CA de la FELCO)
- 16 membres elegits per l’AG. Esperam doncas de candidaturas per ajudar lo trabalh de la FELCO en integrar lo sieu CA. Las candidaturas, de mandar al secretariat abans lo 10 de genièr devon èstre motivadas. La tièra de las candidaturas recebudas serà mesa en linha e mandada als sòcis de la FELCO per procedir al vòte de l’AG.
Lo material de vòte serà disponible en linha sul site de la FELCO dins la setmana abans l’amassada generala.
Se podètz pas venir, pensatz de balhar una procuracion sus papièr o per corrièr electronic a un participant a l’Amassada Generala.
PROGRAMA DE LA JORNADA
- 10h : Reunion del CA
- 12h : repais en comun tirat de la saqueta
- 13h30 : Amassada generala extraordinària
- 15h30 : Amassada generala
