01-07-21- Compte rendut de la comission de trabalh « licèus » (16-06-21)

Presents : Sarah Laurent, Olivier Pasquetti, Matieu Poitevin, Marie-Noëlle Pieracci, Virginie Lago

Avèm ges d’informacions oficialas. Son ren que de declaracions, una anóncia.
Escambis a l’entorn dei reaccions e dau mesprès de Blanquer. Sabèm ben que de letras son ja partidas e que Blanquer s’en trufa, mai pensam que per principi ne’n fau faire una.
Escambis a l’entorn de la refòrma qu’es pas adaptada. Debat : 3 oras en 2^nda es fòrça mai permete de manténer lei pòstes e d’assegurar una bòna progression deis escolans.
Per PQVNL e la sasina: Matieu ajusta que parlam fòrça de l’ensenhament immersiu que patisse mai que lo licèu es completament oblidat dei debats e de la mediatizacion. Es lo chivau de Tròia per oblidar Blanquer e sa refòrma dei licèus.
E tanben, lei reparticions d’oras dins lei DGH son de mai en mai complicadas ambe l’autonomia dei caps d’establiments, entre BMP e HSA de distribuïr.
Au 1^er de julhet, la decision es presa de plus mandar de letra a Blanquer per li demandar d’ajustar lo coef dei LR au coef dei lengas ancianas, vist qu’una parucion especiala d’ajustaments per lo bachi a la session 2022 permete d’ajustar a 4 lo coeficent per la LR (e tot lo facultatiu que sarà seguit en 1^era e T^ala):

A cadun de comunicar dins seis establiments sus lei possibiltats donadas per aqueste tèxte novèu.

Pauc de retorns : gaire de respònsas dei collègas per en’n faire una sintèsi·
Leis oras tòrnan pas dins l’Acadèmia d’Ais-Marselha dins l’ensemble. Gròssei perdas deis oras.
Aurenja : leis oras « plancher » son pas respectadas mentre que fan mestier. Matieu trabalha sus lo dorsier ambe lo SNES per menar un recors. Saup pas se se podrà menar. Nos assabentarà après l’estatge sindicau SNES LR.I a tanben de blocatges de la direccion : refús de marcar lei dròlles, comunicacion a l’esconduda…
Escambiam a l’entorn deis oras planchers. Demandar de lei respectar pertot ? Es qu’es un pauc au cas per cas, depende deis establiments e dei collègas tanben. Au còntra, onte n’i a de besonh, lei fau respectar! E la situacion de l’occitan es pas isoloda dins aqueste cas.
Pensam que nos fau vertadierament ancorar au dintre de la lucha dau servici public.
Nos permetèm donc de remembrar ai collègas qu’es important de se mobilizar tanben au dintre dei nòstrei sindicats (quin que sián).

Constat sus lei dificultats per recrutar en licèu.
Escambis sus l’evolucion deis adolescents.
Perpausam d’ensajar de mutualizar/partejar lei documents de recrutament ja elaborats. Sus qué partejar ?

Per lo grafisme, Virginia explica que i a de logiciaus a gratís e aisits d’emplec per aqueste genre de causas : canva, adobe spark. Prepausa tanben de botar son pròpi document canva a disposicion sus canva que les collègas poscan i cambiar lai causas que vòlon. Podètz escriure a Virginia s’avètz besonh d’ajuda ambe Canva (dins la mesura dau rasonable que pòu pas faire cada document nimai). https://www.canva.com/design/DAEGig0ZRAM/0VfLYg1Gsam66t66UWW0JQ/view?utm_content=DAEGig0ZRAM&utm_campaign=designshare&utm_medium=link&utm_source=publishsharelink&mode=preview
Benlèu que Provença pòu comptar sus una decision de l’AELOC que decidís de promòrre una videò promocionala.

Rampèu sus la necessitat de cadun d’èstre present dins son establiment, au moment deis inscripcions per exemple, quina que siegue la situacion, es bòn de li èstre per verificar lei dorsiers e prepausar ai familhas que podèm enfin rescontrar a aqueste moment.

****

Podèm imaginar un acamp après la rintrada per faire lo ponch dei diferentei situacions, per exemple la setmana dau 20 de setembre.