Compte rendut de la comission collègi deu 31 de mai 2021

Compte rendut de la comission collègi deu 31 de mai 2021

Una amassada en visio agradiva, dins un bon ambient destibat mes seriós, e sustot una amassada productiva !

Mefi : èm plan conscients qu’èran presents aqui collègas d’acadèmias « privilegiadas » (mensh pas shens chepics), es a díser dambe convencions e oras flecadas flechadas. E sabem que totas las acadèmias n’an pas las medishas realitats. Encoratjam collègas d’autras acadèmias a nos juntar ende poder representar totas las realitats. 

·         Las proposicions de la comission :   

Aquestas decidions son plan solide sosmèsas sotmesas au CA de la FELCO. Las causas de hèr son despartidas dambe un referent a cada còp ( o quasi) mes los collègas poden prénguer las causas en camin e s’investir/ajudar suus punts que volen. 

(CR destalhat en seguida)

• Au nivèu FELCO : Puntejar l’estatut de TZR. Volerém aver una vista deus pòstes estagiaris a l’abans, e demandam una soscadissa collectiva au dintre de la FELCO au subjècte de la perenizacion deus pòstes.
• un jòc ende descobrir Narbona. Ne hèr la reclama. Virginia perpausa que Julien escivia quaucomet ende ne hèr un article suu site de la felco per començar.
• Mutualizacion : Julien, Tomàs e Virginia s’encargan d’ensajar la platefòrma VIAEDUC e de s’auto-formar. Referent : Tomàs.
• Occitan a l’orau deu DNB :  demanda aus nòstres IPR ende que hascan una letra. Los encoratjar a botar dins la cadenas los IPR de LVE.
• Creacion d’un argumentari de portar au dintre deus nòstres collègis. Referent : Julien.
• Creacion d’una bòstia a utís militanta : Dropbox + Site FELCO. Ont plaçaram los diferents documents perpausats dins aqueth CR.
• Iniciacion generalizada 6na opcion : demanda d’integrar l’iniciacion generalizada dins las convencions. De devisar au dintre de la FELCO.
• un liberet clau en man aus collègas.  Julien e Virginia se n’encargan.
• Perpausar un document de bon adobar ende lo recrutament de las opcions : Virginia (Canva)
• Amassada seguenta : dins la setmana deu 1er au 6 de julhet.  Benleu tanben se véser en visu pendent l’estivada de Rodès.

Insistissèm suu besonh de comunicar suus nòstres projèctes. Lo mendre projècte. Demandam a cada collèga de nos enviar quauquas linhas, fotos… de cada sortida, viatge, exposicions au CDI, perqué pas EOC o EOI enregistrada, dessenhs…. TOTS ! Ende difusion suus rets sociaus, site FELCO… E vos encoratjam ac partajar suus vòstres pròpias paginas etc.  I a tanben una pagina facebook que se ditz « occitan al collegi » ende ensajar de partejar projectes dels collegas sens que se hascan « descobrir » lor perfil facebook.

1-      Torn de la academias :

• Pauc de tornar ad aqueste subjècte. Perpausam peus endrets ont i a CREO’s plan implantats de pas subrecuentar la FELCO damb aquò.
• Se regrèta totun que las acadèmias representadas sian las qu’an mensh de chepics. Nos demandam coma ajudar los collègas de las acadèmias encara mes sinistradas que las nòstras ?
• Lionel evòca la situacion en Nòrd Avairon : la pèrta d’una classa implica una pèrta d’oras (HG en francés) per eth que se diurén mudar en oras d’occitan. Aqui los besonhs de servici impactan lo servici deus autres collègas (TZR o contractuaus). La collèga TZR diuré aver mensh d’oras dins aqueste collègi e prenguer un 3en collègi, mes sus aqueth collègi i a una autra collèga (contractuala qu’es a passar lo CAPES). Les collègas an le sentit de raubar las oras deus autres. Res es arrestat mes la situacion es sorgas d’estrès e pensaments.
• Discussion e conselhs : ne parlar aus sindicats. Véser aquò dambe lo CREO Avairon e lo CREO Tolosa. Bruno e Virginia perpausan la lora ajuda au vista de las lora posicion dins les CREO Tolosa e Avairon. Bruno tornarà escriver a l’IPR.
• Concrètament e au nivèu globau occitan : se pausa la question de la perenizacion deus pòstes, e de l’investiment deus collègas locaument soent tornat botar en causas e que freina tanben lo bon desenvelopament de l’ensenhemant de l’occitan dambe rompeduras etc. Tomàs explica que lo sistèma de certificacion es tanben una bona solucion ende aver monde ja implantats suu parçan. En Dordonha aquò permet de « paliar » aus chepics de manca de ressorgas umanas.
• Avèm tots consciència que son tanben las règlas deu CAPES. Mes puntejam deu dit l’estatut de TZR. Volerém aver una vista deus pòstes estagiaris a l’abans, e demandam una soscadissa collectiva au dintre de la FELCO au subjècte de la perenizacion deus pòstes.
• Evocam rapidament la question deu CRPE Bilingue e deus collègas qu’arrèstan lèu l’occitan.

2- Pedagogia : Coma mutualizar ? Hargar una progression comuna ?

• Julian nos amuisha documents hargats peu CIRDOC  e distribuits aus profs de Lengadòc. Las autras acadèmias ne n’an pas avut.  Perqué pas a totas las acadèmias ? Pensam qu’aquò depen deu finançament ( s’es un finançament academic, o departamentau…). En tot cas nos pausam la question.
• Julian nos amuisha le liberet hargat dambe los sons collegians : un jòc ende descobrir Narbona. Nos sembla un bon utís ende les viatges (viatge dambe le/la collèga de latin). Ne hèr la reclama. Virginia perpausa que Julien escivia quaucomet ende ne hèr un article suu site de la felco per començar.
• Coma mutualizar ? :                                                                                                                          – Un constat : èm cadun dins lo nòstre canton hèmcausas, e soent las medishas causas/suus medishes tèmas…. Las ressorgas pedagogicas son au còr de las nòstras preocupacions e prenguen fòrça temps.                                                                                        – Alara, quinas aisinas ? Quinas platefòrmas ?
• site Viaeduc : lectura deu mail de Magali Fraisse que nos ne parla. Em mantuns a ne pas conèisher. Trobam lo concèpte interessant. Parlam lèu de pearltrees tanben.

Decision :  Julien, Tomàs e Virginia ensajan la platefòrma VIAEDUC e de s'auto-formar.  Referent : Tomàs. Quan aquò serà hèit, comunicaram via la FELCO dambe los collègas. Nos i botam lèu lèu.

• Fin finau avèm pas tant escambiat a l’entorn de progressions comunas. Mes èm tanben conscients que l’òrdi deu jorn èra ambiciós e que las causas ne se podèn pas hèr en una encontra. E l’acamp èra ja pro ric ende començar.

3- DNB e Occitan : 

• Daubuns collègis valorizan l’emplec de las LVER a l’orau deu DNB. Son 5 o 10 punts bonus de mes segon los establiments. Pensam que caleré quichar ende que sia botat en plaça dins los collègis ont i a de l’occitan pr’amor es un argument de mes ende lo recrutament e balha envergura a l’ensenhament.

Coma ajudar ende que lo dispositiu sia botat en plaça dins los collègis ?

– Es tanben aus IPR d’encoratjar los collègis a botar aquò en plaça : hèr una demanda aus nòstres IPR ende que hascan una letra. Los encoratjar a botar dins la cadenas los IPR de LVE.

– Tanben, coma èm pas tots egaus dambe los IPR, e ende ajudar los collègas suu terrenh : creacion d’un argumentari de portar au dintre deus nòstres collègis. Referent : Julien.

• Aqui l’idèa d’una bòstia a utís militants se bota en plaça pr’amor tots los punts de l’òrdre deu jorn an punt en comun : lo besonh d’aver utis metodologics ende ajudar los collègas e simplificar lo nòstre tribalh.
• Tomàs nos explica que lo son collèga Marçau Peyronie es a soscar/tribalhar un maine de certifcacion en occitan en fin de tresena ende valorizar mes encara e que los dròlles aujan un reconeishença oficiala.  Evocam l’idèa de hèr passar aus dròlle le DCL occitan ?  Tomàs nos assabentarà mes sus la question lèu.

4- Iniciacion generalizada en 6na : 

• (Los 3 punts de l’òrdi deu jorns a seguir an rebombs entre eths)
• La question de l’iniciacion generalizada en 6na ende l’opcionau es discutida. La majoitat deus collègas son en favor. Lo hèit qu’èra coma aquò abans e qu’èra plan ende recrutar e que pausava pas cap chepics es avançat. Los collègas son d’accòrd ende díser :

– qu’es un avantatge deus gròs ende los effectius.

– permet de pas romper la continhuitat pedagogica (pr’amor segon las acadèmias e los departaments, los escolans an iniciacions en primari e un « trauc » en 6ena).

– Seré un biais d’aplicar la lei Molac

-Question centrala de la continuitat peda.

– Permet tanben d’aver mes d’oras sus un establiment : mensh de jos servici, perenizacion deu pòste, e benlèu mensh d’establiments a la tota fin.

Virginia es un pauc mes reservada : partatja l’argumentari, es d’acòrd suu principi mes geinada d’impausar causas ataus aus collègas tots. Pensa que diu existir quan es demandada per contra. Mes se renga a la majoritat en tot refusar de deishar los collègas solets damb aquò. Perpausicion adoptada : perpausar un liberet clau en man aus collègas (e après ne hèn çò que volen).  Julien e Virginia se n’encargan.

Tomàs explica qu’en Dordonha l’opcion comença tre la siesena e que recrutan donc en tot passar dins las classas de CM2. Constat : diversitat deus biais de hèr.

Decisions : Integrar l’iniciacion generalizada dins las convencions. (AJUDA : ei un dobte sus aquera decision)

Perpausar un document de bon adobar ende lo recrutament de las opcions : Virginia (Canva)

5- Ligason CM2-6na (bilingue sustot)

• Quichar sus la ligason ende que i auja mensh de pèrda entre CM2 e 6na. Ajudar los collègas qu’es pas totjorn aisit e que nos vaga pas forçadament. Se servir de la ligason CM2-6na au dintre de l’establiment ende aquò hèr. Hèr escambis.                                                                                                                                      Decision :  Hargar un document metodologic suus escambis entre CM2 e 6na. Lionel es referent.
• Hèr en sòrta que dròlles non bilingues poscan entrar en cursus bilinga en camin.  Demandar mesa en plaça de tèstes de pausicionament.

6- La bòstia a utis :

Constat : podem pas tot saber hèr, podem pas estar pertot e avem envèja de mutualizar las practicas ende ajudar e descargar un pauc los collègas.

Perpausar utís e aisinas « militantas » ende ajudar e ganhar temps (un pauc coma lo document DGH de la FELCO)

• Referenta : Virginia
• Document recrutament : Virginia
• Liberet iniciacion : Julien e Virginia
• Document ligason CM2-6na : Lionel
• Organizar un viatge / un viatge mutualizat : Julien, Bruno, Lionel e Virginia. Referent Bruno.
• Coma trobar finançament : IDEM ( son un pauc ligats)
• Argumentari orau DNB : Julian
• De pensar ende mes tard : un document ende ajudar los collègas quan perdem d’oras o qué. Quins reflèxes, quinas desmarcas… ? Virginia a ja començat amb son super document sus la DHG