Lo dissabte 30 de novembre de 2019, coma ja o sabètz, i a la manifestacion per l’ensenhament de las lengas regionalas a París a 11h.
Per èsser nombroses, lo CREO de l’acadèmia de Tolosa organiza un tren per i anar.
Anar en tren de nuèit SNCF lo divendres 29/11/19:
22H Tolosa Matabuòu.
06h34París-Austerlitz
Doas opcions : sièti e cocheta (suplement de 29€/persona en cocheta)
Retorn lo dissabte 30/11/19
14H38 París-Austerlitz
21h20 Tolosa Matabuòu
Resèrvas : I a encara de plaças, vos demandem de reservar lèu al corrièl : creotoulouse@gmail.com
Nos cal dire los :
Nom :
Prenom :
Atge :
Telefonet :
Adreça electronica :
Volètz una cocheta ? :
Vos confirmarem la resèrva per retorn del corrièl, e es tot !
Prètz : Avèm d’aplicat lo principi de la liura participacion, cadun pagarà segon sos mejans çò que permeterà als caumaires, als estudiants, als dròlles e autres de venir gratis amb nosautres.
Per informacion, pels que vòlon pagar lors plaças, vos donem lo prètz del viatge anar e tornar : 66 euros /persona sens cocheta e 95 euros / persona amb cocheta.
Ajudas : Aurem d’ajudas dels deputats Molac e Alfonsi, de la canhòta e la de la FELCO-CREO per pagar aquestas còstas.
Las inscripcions son dubèrtas a totas e tots ! Doblidetz pas las vòstras pancartas, drapèls e a lèu !
Gardarem l’occitan ! Ua lei entà l’occitan ! Pas d’Occitània sense l’occitan !
Pel burèu del CREO TLS, Nicolau Rei Bèthvéder, secretari general, vice pdt de la FELCO.
